Last updated on February 19th, 2026 at 03:02 pm
ಬೋಲ್ತೇರ್, ಫೆ. 19 : ಜೋಕುಲು ಇಲ್ಲ ಜಾಲ್ಡ್ ಗೊಬ್ಬೊಂದುಪ್ಪುನಗ ಸ್ಫೋಟಕ ಸೊತ್ತು ಒಂಜಿ ಪುಡದ್ ಒರಿ ಆಣಗ್ ಗಡಿಕುಲಾದ್ ಬಚಾವಾತಿನ ನಡಕೆ ಧರ್ಮಸ್ಥಳ ಪೊಲೀಸ್ ಸ್ಟೇಶನ್ ಸೀಮೆದ ಬಂದಾರ್ ಗ್ರಾಮೋಡು ಕೋಡೆ ಫೆ.18 ದಾನಿ ಬಯ್ಯಡ್ ನಡತ್ದ್ಂಡ್.
ಬೋಲ್ತೇರ್ ತಾಲೂಕ್ ಬಂದಾರ್ ಗ್ರಾಮೊದ ಬಲಿಪೆ ನಿವಾಸಿ ಮುಕುಂದ ಬೊಕ್ಕ ಜಯಶ್ರೀ ದಂಪತಿಲೆನ ಮಗೆ ಅಭೀಶ್ (11) ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತಿನ ಆಣ್. ಜಾಲ್ಡ್ ಜೋಕುಲು ಇರ್ವೆರ್ ಗೊಬ್ಬೊಂದುಪ್ಪುನಗ ತಿಕ್ಕಿನ ಚೆಂಡ್ದ ಲೆಕಂದಿನ ಸೊತ್ತುನು ಪೆಜೊಂದು ಬತ್ತಿನ ಜೋಕುಲು ಐಟ್ ಕ್ರಿಕೆಟ್ ಗೊಬ್ಬುದೆರ್. ಒರಿ ಬೌಲಿಂಗ್ ಮಾಡಿದ್ದು ಮಲ್ತಿತ್ತ್ದ್ ಕುಡೊರಿ ಬ್ಯಾಟಿಂಗ್ ಮಲ್ತ್ದೆ. ಈ ಪೊರ್ತುಡು ಆ ಸೊತ್ತು ಪುಡದ್ಂಡ್. ಪುಡದಿನ ಪೆಟ್ಟ್ಗ್ ಆಣ್ ಅಭೀಶ್ಗ್ ಗಡಿಕುಲಾತ. ಆಯನ್ ಇನಿ ಫೆ.19 ದಾನಿ ಬೋಲ್ತೇರ್ ಸರಕಾರಿ ಆಸ್ಪತ್ರೆಗ್ ದಾಕಲ್ತ್ದೆರ್.