Last updated on February 19th, 2026 at 01:47 pm
ಮಂಜೇಶ್ವರ, ಫೆ. 22: ತೆನ್ಕಾಯಿ ತುಳುನಾಡ್ ಕಾಸ್ರೋಡ್ದ ಮಂಜೇಶ್ವರ ಪೊಸಬೊಟ್ಟುದ ರಾಷ್ಟ್ರಕವಿ ಗೋವಿಂದ ಪೈ ಸಾಂಸ್ಕೃತಿಕ ಕೇಂದ್ರೊಡು ಉಂದುವೇ ಬರ್ಪಿನ ಐತಾರ, ಫೆಬ್ರವರಿ 22 ತಾನಿ ಬಯ್ಯ 3 ಗಂಟೆಗ್ ದ್ರಾವಿಡ ಭಾಷಾ ಟ್ರಾನ್ಸ್ಲೇಟರ್ಸ್ ಅಸೋಸಿಯೇಷನ್ (ರಿ.) (DBTA) ದ ಮುತಾಲಿಕೆಡ್ ತುಳು-ಮಲಯಾಳಂ-ಕನ್ನಡ ಭಾಷೆಲೆನ ತ್ರಿಭಾಷಾ ಕವಿಸಂಗಮ ನಡಪರೆಗುಂಡು.
DBTAದ ಗುರ್ಕಾರ್ದಿ ಡಾ. ಸುಷ್ಮಾ ಶಂಕರ್ ಮೆರೆನ ಗುರ್ಕಾರ್ಮೆಡ್ ನಡಪುನ ಈ ಕವಿಸಂಗಮೊನು ಕೇಂದ್ರ ಸಾಹಿತ್ಯ ಅಕಾಡೆಮಿ ಮಾನಾದಿಗೆ ಗೆಂದ್ದಿನ ಕೆ. ವಿ. ಕುಮಾರನ್ ಮೇರ್ ಉದಿಪನ ಮಲ್ಪೆರಗುಲ್ಲೆರ್. ಲೇಸ್ದ ಮಲ್ಲಬಿನ್ನೆರಾದ್ ಹಂಪಿ ವಿಶ್ವವಿದ್ಯಾಲಯೊದ ನಿವೃತ್ತ ಪ್ರಾಧ್ಯಾಪಕೆರ್ ಡಾ. ಮೋಹನ ಕುಂಟಾರ್, ಗೌರವ ಉಪಸ್ಥಿತಿಟ್ ಕಬಿ, ಬರವುಗಾರ್ತಿ ಕುಶಾಲಾಕ್ಷಿ ವಿ ಕಣ್ವತೀರ್ಥ ಅಂಚೆನೇ ಸಂಚಾಲಕೆರಾದ್ ಸಾಹಿತಿ ಬೊಕ್ಕ DBTA ಪದುಕೆರಾದುಪ್ಪುನ ರವೀಂದ್ರನ್ ಪಾಡಿ ಪಾಲ್ಪಡೆಯೆರೆ ಉಲ್ಲೆರ್. ಈ ಲೇಸ್ಡ್ ತುಳು, ಮಲ್ಯಾಲಿ ಬೊಕ್ಕ ಕನ್ನಡೊದ ಕಬಿಕುಲೀ, ಬರವುಗಾರೆರ್ ಪಾಲ್ಪಡೆಪೆರ್