ಕಾಸ್ರೋಡ್ : ಜಿಲ್ಲಾಧಿಕಾರಿ ಇಂಬುಶೇಖರ್ ಕೆ. ಟ್ರಾನ್ಸ್‌ಫರ್ – ಅರ್ಜುನ್ ಪಾಂಡ್ಯನ್ ಪೊಸ ಡಿಸಿ

Last updated on February 27th, 2026 at 02:30 pm

ಕಾಸ್ರೋಡ್, ಫೆ. 27: ವಿಧಾನಸಭೆ ಎಲೆಕ್ಷನ್‌‌ಗ್ ದುಂಬುದ ಕ್ರಮ ಆದ್ ಕಾಸರಗೋಡ್ ಜಿಲ್ಲಾಧಿಕಾರಿ ಇಂಬುಶೇಖರ್ ಕೆ. ಮೆರೆನ್ ಟ್ರಾನ್ಸ್‌ಫರ್ ಮಲ್ತ್‌ದ್ ಸರ್ಕಾರ ಆದೇಶ ಕೊರ್ತುಂಡು. ಆರೆನ ಜಾಗೆಗ್ ತ್ರಿಶ್ಶೂರ್‌ದ ಜಿಲ್ಲಾಧಿಕಾರಿ ಆದಿತ್ತಿನ ಅರ್ಜುನ್ ಪಾಂಡ್ಯನ್ ಮೆರೆನ್ ಕಾಸರಗೋಡ್‌ದ ಪೊಸ ಜಿಲ್ಲಾಧಿಕಾರಿ ಆದ್ ಮಲ್ತ್‌ದೆರ್.

ಅರ್ಜುನ್ ಪಾಂಡ್ಯನ್ ದುಂಬು ಕಾಸರಗೋಡ್ ಜಿಲ್ಲಾಧಿಕಾರಿ ಆದಿತ್ತಿನ ಪೊರ್ತುಡು ಎಲೆಕ್ಷನ್ ಡ್ಯೂಟಿನ್ ಬಾರೀ ಎಡ್ಡೆಡ್ ನಡಪಾದ್ ಕೊರ್ದಿತ್ತೆರ್. ಆರೆನ ಉತ್ತಮ ಸೇವೆನ್ ತೂದು ಚುನಾವಣಾ ಆಯೋಗ ಮಾನಾದಿಗೆಲಾ ಮಲ್ತಿತ್ತ್ಂಡ್. ಇತ್ತೆ ಕುಡೊರ ಕಾಸರಗೋಡ್‌ಗ್ ನೇಮಕ ಆತಿನ ಜಿಲ್ಲೆದ ಆಡಳಿತ ವಲಯೊಡು ಸೋದ್ಯ ಉಂಡು ಮಲ್ದ್ಂಡ್.

ಕುಡೊಂಜಿ ಕಡೆಟ್, ರಾಜ್ಯ ಟೂರಿಸಂ ನಿರ್ದೇಶಕೆದಿ ಶಿಖಾ ಸುರೇಂದ್ರನ್ ಐಎಎಸ್ ಮೆರೆನ್ ತ್ರಿಶೂರು ಜಿಲ್ಲೆದ ಪೊಸ ಜಿಲ್ಲಾಧಿಕಾರಿ ಆದ್ ನೇಮಕ ಮಲ್ತ್‌ದೆರ್. ಈ ಬಗೆಟ್ ರಾಜ್ಯ ಸರ್ಕಾರೊದ ಕಾರ್ಯದರ್ಶಿಲು ಅಧಿಕೃತ ಪ್ರಕಟಣೆ ಕೊರ್ದಿತ್ತ್‌ದ್, ಇತ್ತೆರ್ದೇ ಆದೇಶ ಜಾರಿಗ್ ಬರ್ಪುಂಡು ಪನ್ದ್ ತೆರಿಪಾದೆರ್.

ವಿಧಾನಸಭಾ ಚುನಾವಣೆದ ಲೆಕ್ಕೊಡು ಕೇರಳ ರಾಜ್ಯೊಡು ಪಾಕ ಐಎಎಸ್ ಅಧಿಕಾರಿಲೆನ ವರ್ಗಾವಣೆ ನಡತೊಂದಿತ್ತ್‌ದ್, ಆಡಳಿತಾತ್ಮಕ ಸುಗಮತೆಗ್ ಈ ಕ್ರಮ ಗೆತೊಂದೆರ್ ಪನ್ದ್ ತೆರಿದ್ ಬೈದ್ಂಡ್.