Last updated on February 27th, 2026 at 11:17 am
ಪಣಂಬೂರು, ಫೆ. 27: ಲಾರಿ ಎಡ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದಿನ ನಡಕೆ ಗುರುವಾರ ಬಯ್ಯಡ್ ಪಣಂಬೂರು ಇಂಡಿಯನ್ ಆಯಿಲ್ ಪೆಟ್ರೋಲ್ ಪಂಪ್ದ ಎದುರು ನಡತ್ದ್ಂಡ್.
ತೀರ್ದಿನಾರ್ ಮೂಲತಃ ಉತ್ತರ ಕನ್ನಡ ಜಿಲ್ಲೆದ ಅಂಕೋಲ ತಾಲೂಕ್ ನಿವಾಸಿ ಇತ್ತೆ ಬಿಜೈಡ್ ಬಾಡಾಯಿದ ಇಲ್ಲಡ್ ಇತ್ತಿನ ಶಿವದಾಸ್ ಗಣಪತಿ ನಾಯ್ಕ ಪನ್ದ್ ಪೊಲೀಸೆರ್ ಒಲವು ಕೊರ್ತೆರ್. ಶಿವದಾಸ್ ಗಣಪತಿ ನಾಯ್ಕ ಮೇರ್ ಬೈಕಂಪಾಡಿದ ಮರ್ದ್-ಮಾತ್ರೆ ಮಲ್ಪುನ ಸಂಸ್ಥೆಡ್ ಬೇಲೆ ಮಲ್ತೊಂದಿತ್ತ್ದ್, ಬೇಲೆ ಮುಗಿದ್ ಬಿಜೈದ ತನ್ನ ಇಲ್ಲಗ್ ಪಿರ ಬರೊಂದುಪ್ಪುನಗ ಲಾರಿ ಒಂಜಿ ಪಿರವುರ್ದ್ ಬತ್ತ್ದ್ ಎಡ್ತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್.
ಎಡ್ತೆದ ಬರಸ್ಗ್ ಆರ್ ಲಾರಿದ ಪಿರವುದ ಟೈರ್ದ ಅಡಿಕ್ ಬೂರ್ದ್ ಅಲ್ಪನೇ ತೀರ್ದೆರ್ ಪನ್ದ್ ಪೊಲೀಸೆರ್ ತೆರಿಪಾದೆರ್. ಜಾಗೆಗ್ ಬಡಕಾಯಿ ಕುಡ್ಲ ಟ್ರಾಫಿಕ್ ಪೊಲೀಸ್ ನಿರೀಕ್ಷಕೆ ಶಿವಕುಮಾರ್ ಎಂ. ಬೊಕ್ಕ ಸಿಬ್ಬಂದಿಲು ಬತ್ತ್ದ್ ಪರಿಶೀಲನೆ ಮಲ್ತಿತ್ತ್ದ್, ನನದ ಕಾನೂನು ಕ್ರಮೊಲೆನ್ ಗೆತೊಂದೆರ್.