Last updated on February 27th, 2026 at 09:03 am
ಕುಡ್ಲ, ಫೆ. 27: ಉದ್ಯಮಿ ಒರಿ ತನ್ನ ಮೋಕೆದ ಬೊಡೆದಿನ ಬಯಕೆದ ಲೇಸ್ಗ್ ಇಸೇಸ ಉಡಿಗಿರೆ ಕೊರ್ದು ಕುಡ್ಲಡೇ ಮಲ್ಲ ಸುದ್ದಿ ಆತೆರ್.
ಕೋಡೆ ಕುಡ್ಲದ ಅಡ್ಯಾರ್ ಗಾರ್ಡನ್ಡ್ ಉದ್ಯಮಿ ಪ್ರಕಾಶ್ ಕುಂಪಲ ಪನ್ಪಿನಾರೆನ ಬೊಡೆದಿ ಅರ್ಪಿತಾ ನ ಬಯಕೆದ ತಮ್ಮನ ನಡತಿತ್ತ್ಂಡ್. ಬೊಡೆದಿನ ಬಯಕೆಗ್ ಉದ್ಯಮಿ ಪ್ರಕಾಶ್ ಮೇರ್ ಹೆಲಿಕಾಪ್ಟರ್ರ್ದ್ ಪೂತ ಬರ್ಸ ಮಲ್ಪಾದ್ ಬೊಡೆದಿಗ್ ಸರ್ಪ್ರೈಸ್ ಕೊರ್ತೆರ್. ಬಯಕೆದ ಶಾಸ್ತ್ರ ಮುಗಿನನೇ ಬಾನೊಡು ಹೆಲಿಕಾಪ್ಟರ್ ತೋಜಿದ್ಂಡ್. ತೂವೊಂದಿತ್ತಿಲೆಕನೆ ಆ ಹೆಲಿಕಾಪ್ಟರ್ರ್ದ್ ಅರ್ಪಿತಾನ ಮಿತ್ತ್ ಪೂ ತ ಬರ್ಸ ದೊರಿದ್ಂಡ್.
ಅರ್ಪಿತಾ ಗ್ ಆವಡ್, ಬತ್ತಿನಕ್ಲೆಗಾವಡ್ ಈ ವಿಚಾರ ತೆರಿದೇ ಇಜ್ಜಂಡ್. ಕಂಡನೆ ಕೊರ್ತಿನ ಸೋದ್ಯದ ಸೇಜಗ್ ಅರ್ಪಿತಾಗ್ ಮಾತ್ರ ಅತ್ತ್, ಲೇಸ್ಗ್ ಬತ್ತಿನಕುಲುಲಾ ಬಾರೀ ಕುಸಿಯಾತೆರ್. ಸಿನಿಮೀಯ ಶೈಲಿದ ಪೂತ ಬರ್ಸ ಇತ್ತೆ ಸಾಮಾಜಿಕ ಬಲೆತ್ತಾನೊಡು ಭಾರೀ ವೈರಲ್ ಆವೊಂದುಂಡು.