Last updated on February 8th, 2026 at 10:42 am
ಬೋಲ್ತೇರ್, ಫೆ. 8: ಚಿಟ್ಟೆಪಿಲಿ ಒಂಜಿ, ಇಲ್ಲ ಜಾಲ್ಡ್ ಇತ್ತಿನ ನಾಯಿನ್ ಒಯ್ತೊಂದು ಪೋತಿನ ನಡಕೆ ಬೋಲ್ತೇರ್ ತಾಲೂಕ್ದ ದಿಡುಪೆ ಗ್ರಾಮೊದ ಕೊಂಡಾಳ್ ಪ್ರದೇಶೊಡು ನಡತ್ದ್ಂಡ್.
ನಾರಾಯಣ ಗೌಡ ಪನ್ಪಿನಾರೆನ ಇಲ್ಲ ಪಿದಯಿ ಚಿಟ್ಟೆಡ್ ಜೆತ್ತಿತ್ತಿನ ನಾಯಿನ್ ರಾತ್ರೆ ಚಿಟ್ಟೆಪಿಲಿ ತುಚ್ಚಿದ್ ಒಯ್ತೊಂದು ಪೋತುಂಡು. ಚಿಟ್ಟೆಪಿಲಿ ಇಲ್ಲ ಜಾಲ್ ಪೊಗ್ಗುನ ಪೊರ್ತುಡು ಅಲ್ಪನೇ ಜೆತ್ತಿತ್ತಿನ ಪುಚ್ಚೆ ಬೂರೊಂದು ಲಕ್ಕೊಂದು ಬಲ್ತ್ದ್ಂಡ್. ನಾಯಿನ್ ಒಯ್ತೊಂದು ಪೋತಿನ ದೃಶ್ಯ ಇಲ್ಲ ಎದುರು ಪಾಡ್ದಿತ್ತಿನ ಸಿಸಿಟಿವಿ ಕ್ಯಾಮರಾಡ್ ಕೈದಾತ್ಂಡ್.
ಈ ನಡಕೆ ದಿಡುಪೆ ಗ್ರಾಮಸ್ಥೆರೆಡ ಪೋಡಿಗೆ ಪುಟ್ಟಾದಿತ್ತ್ದ್, ರಾತ್ರೆದ ಪೊರ್ತುಡು ಪಿದಯಿ ಬರ್ರೆಲಾ ಜನ ಪೋಡ್ಯೊಂದುಲ್ಲೆರ್. ಉಂದೆಕ್ ದುಂಬುಲಾ ನೆಟೆ ಬೊಕ್ಕ ಸುತ್ತಮುತ್ತೊದ ಜಾಗೆಡೆ ತಾಂಕನೆದ ಮುರ್ಗೊಲೆನ್ ಚಿಟ್ಟೆಪಿಲಿ ಒಯ್ತೊಂದು ಪೋತಿನ ನಡಕೆ ನಡತ್ದ್ಂಡ್ ಪನ್ದ್ ಮುಲ್ಪದಕುಲು ತೆರಿಪಾದೆರ್. ಆಯಿನಾತ ಬೇಗ ಈ ಚಿಟ್ಟೆಪಿಲಿನ್ ಪತ್ತ್ಲೆ ಪನ್ದ್ ಗ್ರಾಮಸ್ಥೆರ್ ಅರಣ್ಯ ಇಲಾಖೆಗ್ ಒತ್ತಾಯ ಮಲ್ತ್ದೆರ್.