Last updated on February 20th, 2026 at 10:09 am
ಸುಳ್ಯ, ಫೆ. 20: ತೋಟೊದ ಬೇಲೆಗ್ ಬತ್ತಿತ್ತಿನ ಅಪ್ರಾಪ್ತ ಪ್ರಾಯೊದ ಪೊಣ್ಣು ಒರ್ತಿ ಬಂಜಿನಾಲ್ ಆದಿತ್ತ್ದ್, ಒರಿ ಜವನನ ಮಿತ್ತ್ ಪೋಕ್ಸೋ ಕೇಸ್ ದಾಕಲಾತ್ಂಡ್.
ಝಾರ್ಖಂಡ್ ಮೂಲೊದ ಜವನೆ ಬೊಕ್ಕ ಜವನ್ದಿ ಐವರ್ನಾಡ್ದ ಒಂಜಿ ಇಲ್ಲಗ್ ತೋಟೊದ ಬೇಲೆಗ್ ಬತ್ತಿತ್ತೆರ್. ಇಂಚಿಪ ಪೊಣ್ಣಗ್ ಜ್ವರ ಬತ್ತಿನೆರ್ದಾವರ ಆಲ್ ಸುಳ್ಯದ ಸರಕಾರಿ ಆಸ್ಪತ್ರೆಗ್ ಮರ್ದ್ಗ್ ಪೋದಿತ್ತಲ್. ಅಲ್ಪ ಬೈದ್ಯೆರ್ ಪರೀಕ್ಷಿಪುನಗ ಜವನ್ದಿ ಬಂಜಿನಾಲ್ ಪನ್ದ್ ತೆರಿದ್ ಬೈದಿತ್ತ್ದ್, ಈ ಬಗೆಟ್ ಪೊಲೀಸೆರೆಗ್ ಒಲವು ಕೊರ್ತೆರ್. ಪೊಣ್ಣು ಅಪ್ರಾಪ್ತ ಪ್ರಾಯೊದಾಲ್ ಆಯಿನೆರ್ದಾವರ ಬೆಳ್ಳಾರೆ ಪೊಲೀಸ್ ಸ್ಟೇಶನ್ಡ್ ಪೋಕ್ಸೋ ಪ್ರಕರಣ ದಾಕಲಾದಿತ್ತ್ದ್, ಜವನನ್ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್, ನ್ಯಾಯಂತಡೆ ಆಯಗ್ ನ್ಯಾಯಾಂಗ ಕೈದ್ ಕೊರ್ತುಂಡು.