Last updated on February 28th, 2026 at 10:38 am
ಬಂಟ್ವಾಳ, ಫೆ. 28: ಅಕ್ರಮವಾದ್ ಪೆತ್ತೊಲೆನ್ ಕೊನೊವೊಂದಿತ್ತಿನ ಆರೋಪಡ್ ಪೊಲೀಸೆರ್ ಗಾಡಿನ್ ನಾಡ್ಪತ್ತ್ದ್ ಉಲಕೈ ಮಲ್ತೊಂದಿನ ನಡಕೆ ಕೊಳ್ನಾಡ್ ಗ್ರಾಮೊಡು ನಡತ್ದ್ಂಡ್.
ಬಂಟ್ವಾಳ ತಾಲೂಕ್ದ ಕೊಳ್ನಾಡ್ ಗ್ರಾಮೊದ ಕರೈ ಪನ್ಪಿನಲ್ಪ ವಿಟ್ಲ ಎಸೈ ರಾಮಕೃಷ್ಣೆರ್ ಬೊಕ್ಕ ಸಿಬ್ಬಂದಿಲು ನಾಡ್ಪತ್ತ್ದಿತ್ತ್ದ್, ಮಂಡ್ಯದ ಡ್ರೈವರ್ ನವೀನೆ ಬೊಕ್ಕ ಚೇತನ್ ಪನ್ಪಿನಕ್ಲೆನ ವಿಚಾರಣೆ ಮಲ್ತ್ದೆರ್. ಗಾಡಿ ಒಂಜಿ ಸಾದಿ ಬರಿಟ್ ಉಂತುದಿತ್ತ್ದ್, ಅವೆಟ್ ರಡ್ಡ್ ಪೆತ್ತೊಲೆನ್ ಹಿಂಸಾತ್ಮಕವಾದ್ ದಿಂಜಾದ್ ಕನತಿನ ತೋಜಿದ್ ಬೈದ್ಂಡ್.
ಈ ಬಗೆಟ್ ಗಾಡಿಡ್ ಇತ್ತಿನ ಮಂಡ್ಯ ನಿವಾಸಿಲಾಯಿನ ಡ್ರೈವರ್ ನವೀನೆ ಬೊಕ್ಕ ಕುಡೊರಿ ಚೇತನ್ ಪನ್ಪಿನಕ್ಲೆನ್ ವಿಚಾರಣೆ ಮಲ್ಪುನಗ, ಚನ್ನರಾಯಪಟ್ಟಣರ್ದ್ ಶಂಕರೆ ಪನ್ಪಿನಾರ್ ಸಾಲೆತ್ತೂರ್ದ ಶಾಫಿ ಪನ್ಪಿನಾರೆಗ್ ಪೆತ್ತೊಲೆನ್ ಕೆರ್ದ ಮಾಸ ಮಲ್ತ್ ಮಾರುನ ಉದ್ದೇಶೊಡು ದಿಂಜದ್ ಕಡಪುಡ್ದೆರ್, ಪೆತ್ತೊಲೆನ್ ಕೊನೊಯೆರೆ ಬೇತೆಕ್ಲೆನ ಪುದರ್ಡ್ ದಾಕಲೆಲೆನ್ ಗೆತೊಂದಿನ ತೆರಿದ್ ಬೈದ್ಂಡ್ ಪನ್ದ್ ಪೊಲೀಸೆರ್ ಒಲವು ಕೊರ್ತೆರ್.