Last updated on March 1st, 2026 at 06:38 am
ಕುಡ್ಲ, ಮಾರ್ಚ್ 1: ಪಡ್ಡಾಯಿ ಏಷ್ಯಾದ ಉದ್ವಿಗ್ನ ಪರಿಸ್ಥಿತಿ, ಇರಾನ್-ಇಸ್ರೇಲ್ ಕೊಲಲರ್ದಾವರ ಇರಾನ್ ವಾಯುಪ್ರದೇಶ ತಾತ್ಕಾಲಿಕವಾದ್ ಮುಚ್ಚಿದಿನೆರ್ದಾವರ, ಕುಡ್ಲ ಬೊಕ್ಕ ಗಲ್ಫ್ ದೇಶೊಲೆನ ನಡುಟು ರಾಪುನ ಪಾಕ ವಿಮಾನೊಲೆನ ಸೇವೆಡ್ ವ್ಯತ್ಯಯ ಆತ್ಂಡ್. ಕೆಲ ವಿಮಾನೊಲು ಕ್ಯಾನ್ಸಲ್ ಆದಿತ್ತಂಡ, ಕೆಲ ವಿಮಾನೊಲು ಟೇಕಾಫ್ ಆದ್ ಪಿರ ಕುಡ್ಲಗ್ ಬತ್ತ್ದ, ಕೆಲವು ವಿಮಾನೊಲೆನ್ ಬೇತೆ ಕಡೆಕ್ ಡೈವರ್ಟ್ ಮಲ್ತ್ದೆರ್.
ವಿಮಾನ ಸಂಚಾರ ಉಂತಿನೆರ್ದಾವರ, ಗಲ್ಫ್ ದೇಶೊಲೆರ್ದ್ ಕುಡ್ಲಗ್ ಬರ್ಯೆರ ಇತ್ತಿನ ಪಾಕ ವಿಮಾನೊಲುಲಾ ಕ್ಯಾನ್ಸಲ್ ಆತ. ಮಧ್ಯಪ್ರಾಚ್ಯೊಗು ಬೇತೆ ಡೈರೆಕ್ಟ್ ರೂಟ್ದಾಂತಿನೆರ್ದಾವರ ವಿಮಾನಯಾನ ಸಂಸ್ಥೆಲು ತಾತ್ಕಾಲಿಕವಾದ್ ಈ ಕ್ರಮ ಗೆತೊಂದ.
ಕ್ಯಾನ್ಸಲ್/ಡೈವರ್ಟ್ ಆತಿನ ವಿಮಾನೊಲೆನ ಒಲವು
ಕುಡ್ಲರ್ದ್ ಪಿದಡ್ರೆ ಇತ್ತಿನ ವಿಮಾನೊಲು
- IX 831 (ಮಂಗಳೂರು–ದುಬೈ) – 13:20ಕ್ಕ್ ಪಿದಡ್ರೆ ಇತ್ತಿನ ವಿಮಾನ ಟೇಕಾಫ್ ಆದ್ ಕುಡ್ಲಗ್ ವಾಪಸ್; ಬೊಕ್ಕ ಕ್ಯಾನ್ಸಲ್. (174 ಪ್ರಯಾಣಿಕೆರ್ + 6 ಸಿಬ್ಬಂದಿಲು ಸುರಕ್ಷಿತೆರಾದುಲ್ಲೆರ್)
- IX 847 (ಮಂಗಳೂರು–ದಮ್ಮಾಮ್) – 23:10ಕ್ಕ್ ಪಿದಡೊಡಿತ್ತಿನ ವಿಮಾನ ಕ್ಯಾನ್ಸಲ್
- IX 813 (ಕುಡ್ಲ–ದುಬೈ) – 20:15ಕ್ಕ್ ಪಿದಡೊಡಿತ್ತಿನ ವಿಮಾನ ಕ್ಯಾನ್ಸಲ್
- IX 851 (ಕುಡ್ಲ–ಕುವೈತ್) – 22:05ಕ್ಕ್ ಪಿದಡೊಡಿತ್ತಿನ ವಿಮಾನ ಕ್ಯಾನ್ಸಲ್
- IX 815 (ಕುಡ್ಲ–ಅಬುಧಾಬಿ) – 23:20ಕ್ಕ್ ಪಿದಡ್ರೆ ಇತ್ತಿನ ವಿಮಾನ ಕ್ಯಾನ್ಸಲ್
- 6E 1467 (ಕುಡ್ಲ–ದುಬೈ) – 19:15ಕ್ಕ್ ಪಿದಡೊಡಿತ್ತಿನ ವಿಮಾನ ಕ್ಯಾನ್ಸಲ್
- IX 821 (ಕುಡ್ಲ–ದೋಹಾ) – ಮುಂಬೈಗ್ ಡೈವರ್ಟ್
ಕುಡ್ಲಗ್ ಬರೊಡಿತ್ತಿನ ವಿಮಾನೊಲು
- IX 822 (ದೋಹಾ–ಕುಡ್ಲ) – 20:45 ಆಗಮನ; ಕ್ಯಾನ್ಸಲ್
- IX 832 (ದುಬೈ–ಕುಡ್ಲ) – 22:10 ಆಗಮನ; ಕ್ಯಾನ್ಸಲ್