ಬಂಟ್ವಾಳ : ಪೆರಿಯ ಗೊಬ್ಬುಗಾರ್ತಿ ಗ್ಲೇಡಿಸ್‌ ಪಾಯ್ಸ್‌ ಕೊರಿಯಾಡ್ ನಡಪುನ ವಿಶ್ವ ಕ್ರೀಡಾಕೂಟೊಗು ಅಜತ್ ಬತ್ತೆರ್

Last updated on February 3rd, 2026 at 11:52 am

ಬಂಟ್ವಾಳ, ಫೆ. 03: ಜನವರಿ 28ರ್ದ್ ಫೆಬ್ರವರಿ 1 ಮುಟ್ಟ ಕೇರಳದ ತಿರುವನಂತಪುರಂ ಡ್ ನಡತಿನ 46ನೇ ರಾಷ್ಟ್ರೀಯ ಪೆರಿಯಾಕ್ಲೆ ಕ್ರೀಡಾಕೂಟೊಡು ಕರ್ನಾಟಕೊನು ಪ್ರತಿನಿಧಿತಿನ ಬಂಟ್ವಾಳದ ಪೆರಿಯ ಗೊಬ್ಬುಗಾರ್ತಿ ಗ್ಲೇಡಿಸ್‌ ಪಾಯ್ಸ್‌ ಮೇರ್ ಟ್ರಿಪಲ್ ಜಂಪ್, 200 ಮೀ, ಹರ್ಡಲ್ಸ್‌, 4×100 ಮೀಟರ್‌ ರಿಲೇ ಟ್ ಬಂಗಾರ್‌ದ ಪದಕೊ, 400 ಮೀಟರ್‌ ಬಲಿಪುಡ್ ಬೊಳ್ಳಿ ಪದಕೊನು ಗೆಂದ್‌ದ್ ಬಂಟ್ವಾಳ ಬೊಕ್ಕ ತುಳುನಾಡ್‌ಗ್ ಪೆರ್ಮೆ ಕನತ್‌ದೆರ್.

ಅದ್ಭುತ ಪ್ರದರ್ಶನ ಕೊರ್ತಿನ, ಬಂಟ್ವಾಳದ ಅಥ್ಲೀಟ್ ಜುಲೈಡ್ ಕೊರಿಯಾಡ್ ನಡಪುನ ವಿಶ್ವ ಮಟ್ಟೊದ ಅಥ್ಲೆಟಿಕ್ಸ್ ಪಂತೊಡು ಭಾರತೊನು ಪ್ರತಿನಿಧಿಪೆರೆ ಅಜತ್ ಬೈದೆರ್.

ಕ್ರೀಡಾ ಅಧಿಕಾರಿಲು ಬೊಕ್ಕ ಹಿತೈಷಿಲು ಮೆರೆನ ಸಾದಗೊಗು ಬೆರಿಬೊಟ್ಟೊಂದಿತ್ತ್‌ದ್, ರಾಷ್ಟ್ರೀಯ ಮಟ್ಟೊಡು ಈ ಪ್ರದರ್ಶನೊ, ಜಾಗತಿಕ ಮಿತ್ತರ್ಮೆಡ್ ಆರೆಗ್ ನನಲಾತ್ ಉಮೇದ್ ಕೊರ್ಪುಂಡು ಪನ್ಪಿ ವಿಶ್ವಾಸ ತೋಜಾದೆರ್.