Last updated on February 3rd, 2026 at 11:13 am
ಕಾಸ್ರೋಡ್, ಫೆ. 03: ಮಂಜೇಶ್ವರದ ಕುಂಜತ್ತೂರ್ದ ತೂಮಿನಾಡ್ಡ್ ಅಮ್ಮೆನೇ ಮಗಲೆನ್ ಕೆರ್ತಿನ ಪ್ರಕರಣೊಡು ಗಾತಿದ ಗಡಿಕುಲಾದ್ ಆಸ್ಪತ್ರೆಗ್ ದಾಕಲಾದಿತ್ತಿನ ಶೇಕುಂಞ(50) ತೀರ್ದೆರ್.
ಇಲ್ಲದಕ್ಲೆನ ಲಡಯಿಡ್ ಕತ್ತಿ ಬೀಜೊಂದುಪ್ಪುನಗ ಅಡ್ಡ ಬತ್ತಿನ ಮಗಲ್ ಜುಮೈರಾನೇ ಅಮ್ಮೆ ಕಡ್ತ್ದಿತ್ತ್ದ್, ಜುಮೈರಾ ಅಲ್ಪನೇ ತೀರ್ದಿತ್ತಲ್. ಈ ಪೊರ್ತುಡು ಗಾತಿದ ಗಡಿಕುಲಾದಿತ್ತಿನ ಜುಮೇರಾನ ನೇಲ್ಯಮ್ಮೆ ಶೇಕುಂಞ(50) ಆಸ್ಪತ್ರೆಡ್ ತೀರ್ದೆರ್. ಪ್ರಕರಣೊದ ಆರೋಪಿ ಉಮರ್ನ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಮಂಜೇಶ್ವರ ಕೈತಲ್ದ ಕುಂಜತ್ತೂರು ತೂಮಿನಾಡ್ ಪನ್ಪಿನಲ್ಪ 18 ವರ್ಸ ಪ್ರಾಯೊದ ಮಗಲೆನ್ ಅಮ್ಮೆ ಕೆರ್ತಿನ ನಡಕೆ ಕೋಡೆ ಬಯ್ಯಡ್ ನಡತಿತ್ತ್ಂಡ್. ಕೌಟುಂಬಿಕ ಕೊಲಲೊನೇ ಇಂದೆಕ್ ನೆವನ ಪನ್ದ್ ಪನೊಂದುಲ್ಲೆರ್.