Last updated on March 6th, 2026 at 04:57 pm
ಕೊಲ್ಲೂರ್, ಮಾ 06: ಸಮ ಕಾಲೇಜ್ಗ್ ಪೋಲ ಪನ್ದ್ ಅಮ್ಮೆರ್ ಬುದ್ಧಿಪಾತೆರ ಪನ್ಡಿನೆಕ್ ಬೆಸರ್ಡ್ ಡಿಪ್ಲೋಮಾ ಕಲ್ತೊಂದಿತ್ತಿನ ಆಣ್ ವಿಷ ಪರ್ದ್ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಕೆರಾಡಿ ಗ್ರಾಮೊದ ಹಯ್ಯಂಗಾರ್ಡ್ ನಡತ್ದ್ಂಡ್.
ಹಯ್ಯಂಗಾರ್ದ ಮಂಜುನಾಥ ನಾಯ್ಕ ಪನ್ಪಿನಾರೆನ ಮಗೆ ಮನೀಷ್ (16) ತೀರ್ದಿನ ಆಣ್. ಉಂಬ್ಯೆ ಒಡಿಪುದ ಕೊಳಲಗಿರಿತ ಜಿ.ಟಿ.ಟಿ.ಸಿ ಕಾಲೇಜ್ಡ್ ಡಿಪ್ಲೋಮಾ ಕಲ್ತೊಂದಿತ್ತೆ. ಇಂಚಿಪ ಮನೀಷ್ ಸಮಕಟ್ಟ್ ಕಾಲೇಜ್ಗ್ ಪೋಪೆದಿಜೆ. ಈ ವಿಷಯ ತೆರಿದ್ ಅಮ್ಮೆ ಮಂಜುನಾಥೆರ್, ಮಗನ ಭವಿಷ್ಯೊದ ದಿಟ್ಟಿಡ್, ಸಮ ಕಾಲೇಜ್ಗ್ ಪೋಲ ಪನ್ದ್ ಬುದ್ಧಿಪಾತೆರ ಪನ್ದಿತ್ತೆರ್.
ಅಮ್ಮೆರೆನ ಪಾತೆರ ಕೇನ್ದ್ ಬೆಸರ್ಡ್ ಮನೀಷ್, ಫೆಬ್ರವರಿ 16ತಾನಿ ರಾತ್ರೆ 9:30ತ ಅಂದಾಜಿಗ್ ಇಲ್ಲಡ್ ಇತ್ತಿನ ಪಂತಿ ಕೆರ್ಪುನ ವಿಷ ಮರ್ದ್ ಪರ್ತೆ. ಅಪಗನೇ ಆಯನ್ ಕುಂದಾಪುರ ಸರ್ಕಾರಿ ಆಸ್ಪತ್ರೆಗ್ ದಾಕಲ್ದ್ದಿತ್ತೆರ್. ಗಾತಿದ ಸ್ಥಿತಿಟ್ ಇತ್ತಿನೆರ್ದಾವರ ಎಚ್ಚಿಗೆ ಮರ್ದ್ಗ್ ಫೆಬ್ರವರಿ 19ದಾನಿ ಮಣಿಪಾಲದ ಕೆ.ಎಂ.ಸಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ, ಕರಿನ 14 ದಿನೊರ್ದಿಂಚಿ ಸಾವು-ಬದ್ಕ್ದ ನಡುಟು ಪೊರ್ಮ್ಬೊಂದಿತ್ತಿನ ಮನೀಷ್, ಬುಧವಾರ (ಮಾರ್ಚ್ 4) ಮಧ್ಯಾಹ್ನ ಮರ್ದ್ ಪಲಿಪಂದೆ ತೀರ್ದೆರ್.
ಈ ಬಗೆಟ್ ಆಣನ ಅಮ್ಮೆ ಬರೆಪಾದಿನ ಒಯಿಲ್ದ ಪ್ರಕಾರ ಕೊಲ್ಲೂರ್ ಪೊಲೀಸ್ ಸ್ಟೇಶನ್ಡ್ ಯುಡಿಆರ್ (UDR) ಕ್ರಮಾಂಕ 03/2026, ಕಲಂ 194 BNSS ಅಡಿಟ್ ಪ್ರಕರಣ ದಾಕಲಾದಿತ್ತ್ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.