Last updated on March 2nd, 2026 at 09:35 am
ಕೋಲ್ಕತ್ತಾ, ಮಾರ್ಚ್ 2 : ವೆಸ್ಟ್ ಇಂಡೀಸ್ದ ಎದುರು 5 ವಿಕೆಟ್ಡ್ ಗೆಂದಿನ ಭಾರತ ಸೆಮಿಫೈನಲ್ಗ್ ಪೊಗ್ಗುದುಂಡು. ಈ ಗೆಲ್ಮೆಡ್ ಸಂಜು ಸ್ಯಾಮ್ಸನ್ ರೆನ ಸ್ಫೋಟಕ ಅಜೇಯ 97 ರನ್ದ ಇನಿಂಗ್ಸ್ದ ಮಲ್ಲ ಪಾತ್ರ ಉಂಡು.
ಟಾಸ್ ಸೋತ್ದ್ ಸುರುಕು ಬ್ಯಾಟಿಂಗ್ ಮಲ್ತಿನ ವೆಸ್ಟ್ ಇಂಡೀಸ್ 20 ಓವರ್ಡ್ 4 ವಿಕೆಟ್ ಕಲೆಯೊಂದು 195 ರನ್ ಮಲ್ತ್ಂಡ್. ಈ ಬಂಙೊದ ಈಡ್ನ್ ಬೆರಿಪತ್ತಿನ ಭಾರತ 19.2 ಓವರ್ಡ್ 5 ವಿಕೆಟ್ ಕಲೆಯೊಂದು 199 ರನ್ ಮಲ್ತ್ದ್ 4 ಬಾಲ್ ಬಾಕಿ ಇಪ್ಪುನಗನೇ ಗೆಂದ್ದ್ಂಡ್.
ಅಕೇರಿದ 12 ಬಾಲ್ಡ್ ಭಾರತೊಗು 12 ರನ್ ಬೋಡಿತ್ತ್ಂಡ್. 19ನೇ ಓವರ್ಡ್ ಹಾರ್ದಿಕ್ ಪಾಂಡ್ಯಾ ಔಟಾನಗ ಒತ್ತಡ ಎಚ್ಚ ಆಂಡ್. ಈ ಪೊರ್ತುಡು ಕ್ರೀಸ್ಗ್ ಬತ್ತಿನ ಶಿವಮ್ ದುಬೆ 4 ಬಾಲ್ಡ್ 8 ರನ್ (2 ಬೌಂಡರಿ) ಮಲ್ತ್ದ್ ಗೊಬ್ಬುನು ಭಾರತೊದಂಚಿ ಅಲಕ್ಕ ತಿರ್ಗಾಯೆರ್.
ಅಕೇರಿದ ಓವರ್ಡ್ 7 ರನ್ ಬೋಡಿಪ್ಪುನಗ ಸಂಜು ಸ್ಯಾಮ್ಸನ್ ಸುರುತ ಬಾಲ್ಗ್ ಸಿಕ್ಸ್, ರಡ್ಡನೇ ಬಾಲ್ಗ್ ಫೋರ್ ಆಕ್ದ್ ಗೆಲ್ಮೆ ಕನತ್ ಕೊರ್ಯೆರ್.
ಈ ಗೆಲ್ಮೆದ ಒಟ್ಟುಗು ಭಾರತ ಮಾರ್ಚ್ 5ತಾನಿ ಮುಂಬೈದ ವಾಂಖೆಡೆ ಸ್ಟೇಡಿಯಂಡ್ ಇಂಗ್ಲೆಂಡ್ದ ಎದುರು ಸೆಮಿಫೈನಲ್ ಗೊಬ್ಯೆರೆ ಉಂಡು.
ಕೋಡೆದ ಚೇಸ್ ವಿರಾಟ್ ಕೊಹ್ಲಿ ಇಜ್ಜಂದೆ T20 ವಿಶ್ವಕಪ್ಡ್ ಭಾರತ ಮಲ್ತಿನ ಸುರೂತ 150+ ಸ್ಕೋರ್ದ ಯಶಸ್ವಿ ಚೇಸ್. ಉಂದೆಕ್ ದುಂಬು ಭಾರತ 3 ಸರ್ತಿ ಯಶಸ್ವಿಯಾದ್ 150+ ಸ್ಕೋರ್ನ್ T20 ವಿಶ್ವಕಪ್ಡ್ ಚೇಸ್ ಮಲ್ತ್ದ್ಂಡ್, 3 ಸರ್ತಿಲಾ ವಿರಾಟ್ ಕೊಹ್ಲಿ ಪಂದ್ಯಶ್ರೇಷ್ಠೆ ಆದಿತ್ತೆರ್.