Last updated on March 2nd, 2026 at 10:31 am
ಈಸರಮಂಗಿಲ, ಮಾ. 02: ದೇವಸ್ಥಾನದ ಜಾತ್ರೆದ ಲೆಕ್ಕೊಡು ನಲಿಕೆ ಭಜನೆ ಮಲ್ತೊಂದುಪ್ಪುನಗ ಪೊಂಜೊವು ಒರ್ತಿ ಕುಸ್ಕ್ದ್ ಬೂರ್ದ್ ತೀರ್ದಿನ ನಡಕೆ ಫೆಬ್ರವರಿ 28ದ ರಾತ್ರೆ ನಡತ್ದ್ಂಡ್.
ಸುಳ್ಯಪದವು ಮಹಾಲಕ್ಷ್ಮಿ ವನಿತಾ ಭಜನ ಮಂಡಳಿದ ಪದುಕೆದಿ ರತ್ನಾವತಿ ಬಾಳಪ್ಪ ಪೂಜಾರಿ ಕನ್ನಡ್ಕ (63) ತೀರ್ದಿನಾರ್. ಕಾವು ಮುತ್ತು ಮಾರಿಯಮ್ಮ ದೇಲಂತಡೆದ ಜಾತ್ರೆಡ್ ಸುಳ್ಯಪದವು ಮಹಾಲಕ್ಷ್ಮಿ ವನಿತಾ ಭಜನ ಮಂಡಳಿದ ಕುಣಿತ ಭಜನೆ ಕಾರ್ಯಕ್ರಮೊಡು ರತ್ನಾವತಿ ಬಾಳಪ್ಪ ಪೂಜಾರಿ ಪಾಲ್ಪಡೆದಿತ್ತೆರ್. ಭಜನೆ ನಲಿತೊಂದುಪ್ಪುನಗನೇ ಆರ್ ಕುಸ್ಕ್ದ್ ಬೂರ್ದೆರ್. ಅಪಗನೇ ಆರೆನ್ ಪುತ್ತೂರ್ದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಅಡೆ ಎತ್ತುನ ದುಂಬೇ ಆರ್ ತೀರ್ದಿತ್ತೆರ್. ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್ ಪನ್ದ್ ಡಾಕ್ಟರ್ ಪನ್ತೆರ್.
ದೇಬೆರೆಡ ಪಾಕ ಭಕ್ತಿ ಇತ್ತಿನ ಮೆರೆಗ್ ಫೆಬ್ರವರಿ 27ತಾನಿ ಭಜನೆಗ್ ಪೋಯೆರೆ ಆದಿಜ್ಜಂಡ್. ಫೆಬ್ರವರಿ 28ದಾನಿ ರಡ್ಡ್ ಭಜನೆ ಮಲ್ತ್ದ್ ಮೂಜನೇ ಭಜನೆ ಮಲ್ಪುನಗ ಕುಸ್ಕ್ದ್ ಬೂರ್ದೆರ್.