Last updated on March 2nd, 2026 at 11:58 am
ಒಡಿಪು, ಮಾ. 02: ಅಂಗಾರೆ (ಮಾ.3) ಚಂದ್ರಗ್ ಕೆರಣ ಪತ್ತುಂಡು. ಆನಿ ಪೊರ್ತು ದೇವೆರ್ ಕಂತುನಗನೇ, ಚಂದ್ರೆ ಉದಿಪುನಗನೇ ಕೆರಣ ಪತ್ತ್ದಿಪ್ಪುಂಡು. ಬಯ್ಯ 6.39ರ್ದ್ 6.47 ನಡುಟು ಎಣ್ಮ ನಿಮಿಷ ಕೆರಣ ಭಾರತೊಡು ತೋಜುಂಡು.
ಆನಿ ಶ್ರೀಕೃಷ್ಣ ಮಠೊಟು ಏಕಾದಶಿದ ಲೆಕ ಉಪವಾಸ ಇಪ್ಪುಂಡು. ಕಾಂಡೆದ ಪೂಜೆ ಏಪೊಲ್ದಲೆಕ ನಡಪುಂಡು. ರಾತ್ರೆದ ಪೂಜೆ 7 ಗಂಟೆರ್ದ್ ಬೊಕ್ಕ ನಡಪುಂಡು. ಕೆರಣದ ಪೊರ್ತುಡು ಮಧ್ವ ಸರೋವರೊಟು ಮೀದ್ ತಟಾಕಡ್ ಜಪ ಪಾರಾಯಣ ನಡಪುಂಡು. ಹೋಳಿ ಪುಣ್ಣಮೆದ ಲೆಕ್ಕೊಡು ಬಯ್ಯಡ್ ಕಡಿಯಾಳಿಗ್ ಪೋದು ಅಲ್ಪ ಬನ್ನಿ ಪೂಜೆ ನಡಪುಂಡು. ಹೋಳಿದ ಲೆಕ್ಕೊದ ಪೂಜೆ ಮನದಾನಿ ಶ್ರೀಕೃಷ್ಣ ಮಠೊಟು ನಡಪರೆ ಉಂಡು ಪನ್ದ್ ಶ್ರೀಕೃಷ್ಣ ಮಠೊತ ದಿವಾನ್ ಡಾ| ಉದಯ ಕುಮಾರ್ ಸರಳತ್ತಾಯೆರ್ ತೆರಿಪಾದೆರ್.
ಶಾಸ್ತ್ರ ಪ್ರಕಾರ ಮಾ. 3ತಾನಿ ಪಗೆಲ್ ವನಸ್ ಮಲ್ಪರೆ ಬಲ್ಲಿಗೆ. ಆಂಡ ಜೋಕುಲು, ಪ್ರಾಯೊದಕುಲು, ಉಸಾರ್ದಾಂತಿನಕುಲು ಮಧ್ಯಾಹ್ನಮುಟ್ಟ ದಾಲ ತಿನೊಲಿ. ರಾತ್ರೆ 7 ರ್ದ್ ಬೊಕ್ಕ ಮೀದ್ ಅಟಿಲ್ ಮಲ್ತ್ ಉನೊಡುಗೆ.