Last updated on March 2nd, 2026 at 01:15 pm
ಬೋಲ್ತೇರ್, ಮಾ. 02: ಬೋಲ್ತೇರ್ಡ್ ಬಂಗಾರ್ ಪಾಲಿಶ್ ಮಲ್ಪುನ ನೆವನೊಡು ದಗೆ ಮಲ್ತಿನ ಆರೋಪಿನ್ ವೇಣೂರು ಪೊಲೀಸೆರ್ ಕೈದ್ ಮಲ್ತ್ದೆರ್. ಬಿಹಾರ ರಾಜ್ಯೊದ ಸುಫೋಲ್ ಜಿಲ್ಲೆದ ತ್ರಿವೇಣೆಗಂಝ್ ತಾಲ್ಲೂಕ್ದ ರಘನಾಥಪುರ ಗ್ರಾಮೊದ ನಿವಾಸಿ ಸೂರಜ್ ದೇವ್ ಮಂಡಲ್ ಪನ್ಪಿನಾರೆ ಮಗೆ ಚಂದನ್ ಕುಮಾರ್ (30) ಕೈದಾತಿನ ಆರೋಪಿ ಪನ್ದ್ ಪೊಲೀಸೆರ್ ತೆರಿಪಾದೆರ್.
ಆರೋಪಿ ಬೋಲ್ತೇರ್ ತಾಲ್ಲೂಕ್ದ ಕಾಶಿಪಟ್ನದ ಪೊಂಜೊವು ಒರ್ತಿನ ಇಲ್ಲಡೆ ಸೇಲ್ಸ್ಮ್ಯಾನ್ ಲೆಕ ಬತ್ತ್ದ್, ಬಂಗಾರ್ದ ಪದ್ದೈಲೆನ್ ಪಾಲಿಶ್ ಮಲ್ತ್ ಕೊರ್ಪೆ ಪನ್ದ್ ನಂಬಾದಿತ್ತೆ. ಬೊಕ್ಕ ಕೆಮಿಕಲ್ ಗಲಸ್ದ್ ಬಂಗಾರ್ ಕರಪದ್ ದಗೆ ಮಲ್ತ್ ಪದ್ರಾಡಾತೆ.
ಪ್ರಕರಣೊದ ಬಗೆಟ್ ಜಡ್ತೆ ಮಲ್ತಿನ ವೇಣೂರು ಪೊಲೀಸೆರ್ ಬೆದ್ರದ ಗಂಟಾಲ್ಕಟ್ಟೆಡ್ ಆರೋಪಿನ್ ಪತ್ತ್ದೆರ್. ಕೈದಾತಿನ ಆರೋಪಿನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ಪ್ರಕರಣೊದ ಜಡ್ತೆ ನಡತೊಂದುಂಡು.