Last updated on April 30th, 2026 at 11:03 am
ಸುಲ್ತಾನ್ಪುರ(ಉತ್ತರ ಪ್ರದೇಶ), ಏ. 30: ರಾತ್ರೆ ಮದಿಮೆದ ಡಿಬ್ಬಣೊಡು ಗಲಸ್ದಿನ ಡಿಜೆದ ಭಾರೀ ಸೌಂಡ್ಗ್ ಕೋರಿದ ಫಾರ್ಮ್ಡ್ 140 ಕೋರಿಲು ತೀರ್ದ ಪನ್ದ್ ಫಾರ್ಮ್ದ ದನಿ ಪೊಲೀಸೆರೆಡ ಒಯಿಲ್ ಬರೆಪಾದೆರ್.
ಏಪ್ರಿಲ್ 25 ತ ರಾತ್ರೆ, ಇಲ್ಲ ಕೈತಲ್ದ ಬಬ್ಬನ್ ಪನ್ಪಿನಾರೆನ ಮಗಲೆನ ಮದಿಮೆದ ಡಿಬ್ಬಣ ಕುದ್ವಾರ ಪ್ರದೇಶೊದ ರಾಮ ಭದ್ರ ಪೂರ್ವರ್ದ್ ಬೈದಿತ್ತ್ದ್, ಭಾರೀ ಸೌಂಡ್ದ ಡಿಜೆ ಪಾಡ್ದಿತ್ತೆರ್. ಗ್ರಾಮೊದ ಕೈತಲ್ ಕೋರಿದ ಫಾರ್ಮ್ ನಡಪಾವುನ ಸಬೀರ್ ಅಲಿ, ರಾತ್ರೆ 9:30 ತ ಅಂದಾಜಿಗ್ ತನ್ನ ತೋಟದ ಎದುರು ಡಿಬ್ಬಣ ಪೋತುಂಡು, ಡಿಜೆದ ಭಾರೀ ಸೌಂಡ್ಗ್ ಕೋರಿಲು ಅಲ್ಕ್ದ್ ಬೂರ್ದ. ಸೌಂಡ್ ಕೇನರೆ ಆವಂದೆ 140 ಕೋರಿಲು ಸೈತ್ದ ಪನ್ದ್ ಒಯಿಲ್ಡ್ ಬರೆತೆರ್.
ಒಯಿಲ್ದ ಆಧಾರೊಡು ಪೊಲೀಸೆರ್ ಪಾರ್ಸಿಪುರದ ಡಿಜೆ ಆಪರೇಟರ್ ಕವಿ ಯಾದವ್ನ ಮಿತ್ತ್ ಪ್ರಕರಣ ದಾಕಲ್ತೊಂದೆರ್.
ಅನು ಕೊರ್ತಿನ ಶಬ್ದ ಮಿತಿ ಮೀರ್ದ್ ಡಿಜೆ ಗುದ್ದಾದೆರಾ ಪನ್ದ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್. ಕೋರಿಲು ಸಯ್ಯೆರ ಶಬ್ದದ ಮಟ್ಟೊನೇ ನೆವನನಾ ಪನ್ದ್ ನಿರ್ಧಾರ ಮಲ್ಪೆರ ಅಧಿಕಾರಿಲು ಪರಿಶೀಲನೆ ಮಲ್ತೊಂದುಲ್ಲೆರ್.