Last updated on April 30th, 2026 at 10:25 am
ಕುಂದಾಪುರ, ಎ. 30: ಪ್ರವಾಸಗ್ ಪೋವೊಂದಿತ್ತಿನ ಕಾಲೇಜ್ ಬಸ್ ಅಂಕೆ ತತ್ತ್ದ್ ಸಾದಿ ಬರಿಟ್ ಉಂತುದಿತ್ತಿನ ಗ್ಯಾಸ್ ಟ್ಯಾಂಕರ್ ಬೊಕ್ಕ ಲಾರಿಗ್ ಎಡ್ತಿನೆರ್ದಾವರ ಇರ್ವೆರ್ ಅಲ್ಪನೇ ತೀರ್ದಿನ ನಡಕೆ ತ್ರಾಸಿದ ಮರವಂತೆ ಬೀಚ್ದ ಕೈತಲ್ ಬುಧವಾರ ಮಧ್ಯಾಹ್ನ ನಡತ್ದ್ಂಡ್.
ಶಿವಮೊಗ್ಗ ಜಿಲ್ಲೆದ ಶಂಕರಘಟ್ಟದ ರಂಭಾಪುರಿ ಕಾಲೇಜ್ದ 50 ಜನ ಬಿ.ಕಾಂ ವಿದ್ಯಾರ್ಥಿಲು ರಡ್ಡ ದಿನೊತ ಪ್ರವಾಸಗ್ ಪಿದಡ್ದಿತ್ತೆರ್. ಮುರ್ಡೇಶ್ವರಗ್ ಪೋದು ಒಡಿಪುದಂಚಿ ಬರೊಂದುಪ್ಪುನಗ, ಮರವಂತೆ ಬೀಚ್ದ ಕೈತಲ್ ಡ್ರೈವರ್ನ ಅಂಕೆ ತತ್ತ್ದ್ ಬಸ್ ಬರಿಟಿತ್ತಿನ ಗ್ಯಾಸ್ ಟ್ಯಾಂಕರ್ಗ್ ಜೋರುಡೆ ಎಡ್ತ್ದ್, ಬೊಕ್ಕ ಎದುರು ಇತ್ತಿನ ಲಾರಿಗ್ಲಾ ಎಡ್ತ್ದ್ಂಡ್.
ಎಡ್ತೆದ ಬರಸ್ಗ್ ಬಸ್ಸ್ದ ಎದುರು ಮೆಯಿ ಅಲಕ್ಕ ಞಕ್ಕೆ ಆದಿತ್ತ್ದ್, ಬಸ್ಸ್ದ ಕ್ಲೀನರ್ ಬೊಕ್ಕ ಅಟಿಲ್ದ ಹೆಲ್ಪರ್ ತೀರ್ದೆರ್. ಬಸ್ಡ್ ಇತ್ತಿನ ಪಾಕ ವಿದ್ಯಾರ್ಥಿಲೆಗ್ ಗಡಿಕುಲಾದಿತ್ತ್ದ್, ಅಕಲೆನ್ ಅಪಗನೇ ಕುಂದಾಪುರದ ಬೇತೆ ಬೇತೆ ಆಸ್ಪತ್ರೆಲೆಗ್ ದಾಕಲ್ತ್ದೆರ್. ಗಂಗೊಳ್ಳಿ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಪ್ರಕರಣ ದಾಕಲ್ತೊಂದೆರ್.