Last updated on April 12th, 2026 at 09:25 am
ಪ್ರಾಯ ಕಾಲಿ ಒಂಜಿ ನಂಬರ್ ಮಾತ್ರ, ಸಾದಗೊಗು ಪ್ರಾಯ ಅಡ್ಡ ಬರ್ಪುಜಿ ಪನ್ಪಿನೆನ್ ಶ್ರೀಮತಿ ಸುಜಾತಾ ಶೆಟ್ಟಿ ಮೇರ್ ತನ್ನ 37ನೇ ವರ್ಸ ಪ್ರಾಯೊಡು ಪಿಯುಸಿ ಪರೀಕ್ಷೆ ಬರೆದ್ ಪಾಸ್ ಮಲ್ತ್ದ್ ತೋಜಾದೆರ್.
ರೆಂಜಾಳ ಗ್ರಾಮೊದ ಕೊರ್ದೋಟ್ಟು ಪ್ರವೀಣ್ ಶೆಟ್ಟಿ ಮೆರೇನ ಬೊಡೆದಿ ಶ್ರೀಮತಿ ಸುಜಾತಾ ಶೆಟ್ಟಿ (37) ಬೇಲೆಡ್ ಅಂಗನವಾಡಿ ಹೆಲ್ಪರ್ ಆದುಲ್ಲೆರ್. ಬಡಪತ್ತ್ರ್ದಾವರ ಎಲ್ಯಪ್ರಾಯೊಡು ಶಾಲೆ ಕಲ್ಪೆರೆ ಬಂಙ ಆದ್ ಉಂತಾದಿತ್ತೆರ್. ಯಾನ್ ವಿದ್ಯಾವಂತೆದಿ ಆವೊಡು, ಓದ್ಯೆರ ಬರೆಯೆರ ಕಲ್ಪೊಡು ಪನ್ಪಿ ಕನ ಇತ್ತಿನ ಸುಜಾತಾ ಶೆಟ್ಟಿ ಮೇರ್ ಚದಿಟ್ ಓದ್ದ್ ಪಿಯುಸಿ ಪರೀಕ್ಷೆ ಬರೆದ್ ಪಾಸಾತೆರ್.
ಕಾರ್ಲದ ಗುರುಕುಲ ಟ್ಯೂಟೋರಿಯಲ್ಡ್ ಕೋಚಿಂಗ್
ಕಾರ್ಲ ಲಿಪಿ ಸೆಂಟರ್ ಡ್ ಮಸ್ತಿರೆ ಗೆತೊಂದು ಇಲ್ಲಡ್ ದಿನೊಲಾ ಕಾಂಡೆ 4 ಗಂಟೆಗ್ ಲಕ್ಕ್ದ್ ಓದ್ದ್ ಕಲ್ತೊಂದು, ಕಲಾ ವಿಭಾಗೊಡು 327 ಮಾರ್ಕ್ ಗೆತೊಂದು ಪಾಸಾತೆರ್. ಸುಜಾತಾ ಶೆಟ್ಟಿ ಮೆರೆಗ್ ಇರ್ವೆರ್ ಪೊಣ್ಣು ಜೋಕುಲು ಉಲ್ಲೆರ್.