Last updated on April 8th, 2026 at 09:01 am
ಕುಂದಾಪುರ, ಏ. 08 : ರಾಷ್ಟ್ರೀಯ ಪೆರ್ಸಾದಿ 66 ತ ತೆಕ್ಕಟ್ಟೆಡ್ ಏಪ್ರಿಲ್ 6 ತಾನಿ ರಾತ್ರೆ ಕೆಎಸ್ಆರ್ಟಿಸಿ ಬಸ್ ಎಡ್ತಿನೆರ್ದಾವರ 62 ವರ್ಸ ಪ್ರಾಯೊದ ಪೊಂಜೊವು ಒರ್ತಿ ಅಲ್ಪನೇ ತೀರ್ದೆರ್. ತೀರ್ದಿನಾರೆನ್ ಕೋಟೇಶ್ವರದ ಗಾಂಧಿ ನಗರ ನಿವಾಸಿ ಅಲಿಮಾಬಿ (62) ಪನ್ದ್ ಗುರ್ತ ಪತ್ತ್ದೆರ್.
ವರದಿಲೆನ ಪ್ರಕಾರ, ಅಲಿಮಾಬಿ ತೆಕ್ಕಟ್ಟೆಡ್ ಮದಿಮೆದ ತಮ್ಮನೊಗು ಪೋದಿತ್ತೆರ್. ರಾತ್ರೆ 10 ಗಂಟೆದ ಅಂದಾಜಿಗ್, ಆರ್ ಬೇತೆ ಮೂಜಿ ಜನ ಪೊಂಜೊವುಲೆನ ಒಟ್ಟುಗು ಇಲಾಲಗ್ ಬರ್ಯೆರ ಪೆರ್ಸಾದಿ ಕಡತೊಂದುಪ್ಪುನಗ, ಕುಡ್ಲರ್ದೊ ಬಾದಾಮಿ-ಐಹೊಳೆ ದಂಚಿಗ್ ಪೋವೊಂದಿತ್ತಿನ ಕೆಎಸ್ಆರ್ಟಿಸಿ ಬಸ್ ಆರೆಗ್ ಎಡ್ತ್ದ್ಂಡ್ ಪನ್ದ್ ತೂಯಿನಕುಲು ಪನ್ತೆರ್.
ಎಡ್ತಿನೆರ್ದಾವರ, ಅಲಿಮಾಬಿ ಮೆರೆನ ತರೆ ಬೊಕ್ಕ ಸರ್ರೊಗು ಗಾತಿದ ಗಡಿಕುಲಾದಿತ್ತ್ದ್, ಅಲ್ಪನೇ ತೀರ್ದೆರ್. ಕೈತಲ್ದಕುಲು ಬೊಕ್ಕ ಪೊಲೀಸೆರ್ ಅಪಗನೇ ಪುನೊನು ಮರಣೋತ್ತರ ಪರೀಕ್ಷೆಗ್ ಕುಂದಾಪುರದ ಸರ್ಕಾರಿ ಆಸ್ಪತ್ರೆಗ್ ಕಡಪುಡ್ದೆರ್.
ಅಲಿಮಾಬಿಗ್ ನಾಲ್ವೆರ್ ಆಣ್ ಜೋಕುಲು ಬೊಕ್ಕ ಒರ್ತಿ ಪೊಣ್ಣು ಮಗಲ್ ಉಲ್ಲೆರ್. ಒರಿ ಮಗೆ ಬೊಕ್ಕ ಒರ್ತಿ ಮಗಲ್ ಮಾನಸಿಕ ಅಸ್ವಸ್ಥೆರಾದಿತ್ತ್ದ್, ನಿರಂತರ ಆರೈಕೆಡ್ ಇತ್ತೆರ್. ಅಪ್ಪೆನ ಅಗಪು ಆರೆನೇ ತಾಂಗ್ದ್ ಇತ್ತಿನ ಇರ್ವೆರ್ ಜೋಕುಲೆನ್ ಅಸಹಾಯಕೆರಾದ್ ಮಲ್ತ್ದ್ಂಡ್.