Last updated on April 7th, 2026 at 06:08 pm
ಬೆಂಗಳೂರ್, ಏ. 0 7: ಬೆಂಗಳೂರ್ಡ್ ಇತ್ತೆ ಇತ್ತೆ ವಿಚಿತ್ರ ನಮೂನೆದ ಕಲ್ವೆಲು ಎಚ್ಚ ಆವೊಂದಿತ್ತ್ದ್, ಕಾಡುಗೋಡಿ ಪೊಲೀಸ್ ಸ್ಟೇಶನ್ ಸೀಮೆಡ್ ಸೋಮಾರ ಪುಲ್ಯ ನಡತಿನ ನಡಕೆ ಒಂಜಿ ಸಾರ್ವಜನಿಕೆರೆಗ್ ಭಾರೀ ಮಂಡೆಬೆಚ್ಚ ಉಂಡು ಮಲ್ದ್ಂಡ್. ಇಲ್ಲದ ಎದುರು ದೀದಿತ್ತಿನ LPG ಸಿಲಿಂಡರ್ನ್ ಕಲ್ವೆ ಒರಿ ಬಾರೀ ಮಂಡೆಕರ್ಚಿ ಮಲ್ತ್ದ್ ಕನ್ಡ್ದಿತ್ತ್ದ್, ಇಡೀ ಕೃತ್ಯ ಸಿಸಿಟಿವಿ ಕ್ಯಾಮೆರಾಡ್ ಕೈದಾತ್ಂಡ್.
ಏಪ್ರಿಲ್ 6ತಾನಿ ಸೋಮವಾರ ಪುಲ್ಯ ಸುಮಾರ್ 3 ಗಂಟೆದ ಅಂದಾಜಿಗ್ ಈ ನಡಕೆ ನಡತ್ದ್ಂಡ್. ಹೆಲ್ಮೆಟ್ ಪಾಡೊಂದು ಬೈಕ್ಡ್ ಬತ್ತಿನಾಯೆ ಒರಿ ಕಾಡುಗೋಡಿದ ಸಾದಿಲೆಡೆ ತಿರ್ಗ್ದ್, ಪ್ರತಿ ಇಲ್ಲದ ಗೇಟ್ಲೆನ್ ಸೂಕ್ಷ್ಮವಾದ್ ಪರಿಶೀಲನೆ ಮಲ್ತ್ದೆ. ಈ ಪೊರ್ತುಡು ಲಾಕ್ ಮಲ್ಪಂದಿನ ಗೇಟ್ ತಿಕ್ಕಿನ ಇಲ್ಲದ ತ್ತುಮದೆಲ್ದುಲಯಿ ಪೊಗ್ಗುದು, ಅಲ್ಪ ದೀದಿತ್ತಿನ ಗ್ಯಾಸ್ ಸಿಲಿಂಡರ್ನ್ ಮೆಲ್ಲ ದೆರ್ತೊಂದು ಬೈಕ್ಡ್ ಪದ್ರಾಡಾತೆ. ಕಲ್ವೆ ಆಯನ ಗುರ್ತ ತಿಕ್ಕಂದಿಲೆಕ ಹೆಲ್ಮೆಟ್ ಪಾಡೊಂದು ಅಂಚೆನೇ ಪುಲ್ಯದ ಪೊರ್ತು ಗಲಸೊಂದು ಕನ್ಡ್ದಿನ ಸಿಸಿಟಿವಿ ದೃಶ್ಯಾವಳಿಗಳಿಡ್ ದೃಢ ಆತ್ಂಡ್.