Last updated on April 20th, 2026 at 03:42 pm
ಒಡಿಪು, ಏ. 20: ಮಣಿಪಾಲದ ಈಶ್ವರ ನಗರೊಡು ಇಪ್ಪುನ ಕೆಎಂಎಫ್ದ ಪರತ್ ಪೇರ್ ಸಂಸ್ಕರಣಾ ಘಟಕೊಡು ಸೋಮಾರ ಸೂ ಬೂರ್ದಿತ್ತ್ದ್, ಜಾಗೆಗ್ ಬತ್ತಿನ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಅಪಗನೇ ಯಶಸ್ವಿಯಾದ್ ಸೂ ತೆಕ್ಕಾದೆರ್.
ಘಟಕೊಡು ವೆಲ್ಡಿಂಗ್ ಬೇಲೆ ನಡತೊಂದುಪ್ಪುನಗ ಕಾಂಡೆ ಸುಮಾರ್ 11 ಗಂಟೆಗ್ ಈ ನಡಕೆ ನಡತ್ದ್ಂಡ್. ವೆಲ್ಡಿಂಗ್ ಮಲ್ಪುನಗ ಬತ್ತಿನ ಕಿಟಿ ಕೈತಲ್ಡೇ ಇತ್ತಿನ ಎಣ್ಣೆಗ್ ಬೂರ್ದು ಸೂ ಪತೊಂದುಂಡು. ತೂಯಿಲೆಕನೆ ಸೂ ಒರ್ಮೆಲಾ ಪೋದು ಘಟಕೊದ ಬಾಯ್ಲರ್ಗ್ಲಾ ಪತೊಂದುಂಡು ಪನ್ದ್ ಪನ್ತೆರ್.
ಒಡಿಪುದ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಸುಮಾರ್ ಒಂಜಿ ಗಂಟೆದಾತ್ ಪೊರ್ತು ಬುಡಂದೆ ಕಾರ್ಯಾಚರಣೆ ಮಲ್ತ್ದ್ ಸೂ ನ್ ಅಂಕೆಗ್ ಕನತ್ದೆರ್. ಈ ಸೂ ಬೂರ್ದಿನೆರ್ದಾವರ ಘಟಕೊಗು ಪಾಕ ಹಾನಿ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್.