Last updated on April 6th, 2026 at 10:54 am
IPL 2026: ಇಂಡಿಯನ್ ಪ್ರೀಮಿಯರ್ ಲೀಗ್ದ 11ನೇ ಗೊಬ್ಬುಡು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಕೂಟ ಮಲ್ಲ ಗೆಲ್ಮೆ ಬೆನ್ತ್ಂಡ್. ಅವುಲಾ ತನ್ನ ಸಾಂಪ್ರದಾಯಿಕ ಎದುರಾಲ್ ಚೆನ್ನೈ ಸೂಪರ್ ಕಿಂಗ್ಸ್ ಕುಟೊನು ಸೋಪಾವುನ ಮುಕೇನ. ಈ ಗೊಬ್ಬುದ ನಡುಟು ಆರ್ಸಿಬಿದ ಬ್ಯಾಟರ್ ದೇವದತ್ ಪಡಿಕ್ಕಲ್ ಪನ್ತಿನ ಪಾತೆರ ಒಂಜಿ ಇತ್ತೆ ಭಾರೀ ವೈರಲ್ ಆತ್ಂಡ್.
ಏನ್ ಔಟ್ ಆಯಿನ ಎಡ್ಡೆ ಆಂಡ್!
ಈ ಗೊಬ್ಬುದ ನಡುಟು ಟೈಮ್ ಔಟ್ದ ಪೊರ್ತುಡು ಪಾತೆರ್ನ ದೇವತ್ ಪಡಿಕ್ಕಲ್, “ಪ್ರಾಮಾಣಿಕವಾದ್ ಏನ್ ಪನೊಡಾಂಡ, ಏನ್ ಆ ಪೊರ್ತುಡು ಔಟ್ ಆಯಿನ ಒಂದು ಲೆಕ್ಕೊಡು ಎಡ್ಡೆನೇ ಆಂಡ್ ಪನ್ದ್ ಎನ್ನುಂಡು. ದಾಯೆ ಪನ್ಡ, ಏನ್ ಔಟ್ ಆಯಿ ಬೊಕ್ಕ ಬತ್ತಿನ ಟಿಮ್ ಡೇವಿಡ್ ಗೊಬ್ಬಿನ ರೀತಿ ಬೊಕ್ಕ ಬ್ಯಾಟಿಂಗ್ ಮಲ್ತಿನ ಬೀಸ ನಿಜೊಕ್ಲಾ ಅದ್ಭುತವಾದಿತ್ತ್ಂಡ್,” ಪನ್ದ್ ತೆಲ್ತೊಂದು ಟಿಮ್ ಡೇವಿಡ್ನ್ ಪುಗರ್ದೆರ್.
ವಿರಾಟ್ ಕೊಹ್ಲಿ ಔಟಾಯಿ ಬೊಕ್ಕ ಕ್ರೀಸ್ಗ್ ಬತ್ತಿನ ದೇವದತ್ ಪಡಿಕ್ಕಲ್ ಸುರುಟು ಮೆಲಾನೆ ಗೊಬ್ಬೊಂದಿತ್ತೆರ್. ಬೊಕ್ಕ ಬ್ಯಾಟ್ದ ಬೀಸ ಎಚ್ಚಾಯಿನ ಪಡಿಕ್ಕಲ್ 29 ಬಾಲ್ಡ್ 50 ರನ್ ಮಲ್ತ್ ಔಟಾಯೆರ್.
ಸಂಕ್ಷಿಪ್ತ ಸ್ಕೋರ್ ಕಾರ್ಡ್:
RCB: 250/3 (20 ಓವರ್) – ಟಿಮ್ ಡೇವಿಡ್ 70*, ಪಡಿಕ್ಕಲ್ 50.
CSK: 207/10 (19.4 ಓವರ್) – ಭುವನೇಶ್ವರ್ ಕುಮಾರ್ 3/41.