Last updated on April 6th, 2026 at 07:17 am
ಬೆರ್ಮಾವರ, ಎ. 06: ತಾಲೂಕ್ದ ಮೂಡಹಡು ಗ್ರಾಮೊದ ನಿವಾಸಿ, ಪ್ರೊಫೆಷನಲ್ ಫೋಟೋಗ್ರಾಫರ್ ಗಣೇಶ್ ಮೆಂಡನ್ (38) ಮೇರ್ ಐತಾರ ಕಾಂಡೆ ಆರೆನ ಇಲ್ಲಡ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್.
ಗಣೇಶ್ ಮೆಂಡನ್ ಮೇರ್ ಎಪ್ರಿಲ್ 4ತಾನಿ ಸನಿಯಾರ ರಾತ್ರೆ ಕೊಮೆ ಬೀಚ್ಗ್ ಫೋಟೋ ಶೂಟ್ಗ್ ಪೋದಿತ್ತೆರ್. ರಾತ್ರೆ 11 ಗಂಟೆದ ಅಂದಾಜಿಗ್ ಬೇಲೆ ಮುಗಿತ್ದ್ ಇಲ್ಲಗ್ ಬತ್ತಿತ್ತೆರ್. ಆಂಡ, ಎಪ್ರಿಲ್ 5 ತಾನಿ ಪುಲ್ಯ 3 ಗಂಟೆಗ್ ಬೊಡೆದಿ ಅಕ್ಷತಾ ಲಕ್ಕ್ದ್ ತೂನಗ, ಗಣೇಶ್ ಇಲ್ಲದ ಹಾಲ್ದ ಫ್ಯಾನ್ದ ಕೊಕ್ಕೆಗ್ ಸೀರೆ ಬೊಕ್ಕ ನೈಲಾನ್ ಬಲ್ಲ್ಡ್ ಉರ್ಲು ಪಾಡೊಂದಿನ ಸ್ಥಿತಿಟ್ ತಿಕ್ಕ್ದೆರ್.
ನಡಕೆಗ್ ಪತ್ತ ನೆವನ ತೆರಿದ್ ಬೈದಿಜಿ. ತೀರ್ದಿನಾರೆನ ಬೊಡೆದಿ ಅಕ್ಷತಾ ಮೇರ್ ಬರೆಪಾದಿನ ಒಯಿಲ್ದ ಆಧಾರೊಡು ಕೋಟ ಪೊಲೀಸ್ ಸ್ಟೇಶನ್ಡ್ ಯುಡಿಆರ್ ಕ್ರಮಾಂಕ 15/2026, ಕಲಂ 194 BNSS ಅಡಿಟ್ ಪ್ರಕರಣ ದಾಕಲಾದಿತ್ತ್ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.