Last updated on April 7th, 2026 at 08:02 am
ಬಂಟ್ವಾಳ, ಎ. 06: ನಗರ ಪೊಲೀಸ್ ಸ್ಟೇಶನ್ ಸೀಮೆದ ಪರ್ಲಿಯಾ ಪನ್ಪಿನಲ್ಪ ಸ್ಕೂಟರ್ ಕನ್ಡ್ದ್ ಪೋದಿತ್ತಿನ ಪ್ರಕರಣೊಗು ಸಂಬಂಧಿತ್ದ್ ಬಂಟ್ವಾಳ ಪೊಲೀಸೆರ್ ಇರ್ವೆರ್ ಆರೋಪಿಲೆನ್ ಕೈದ್ ಮಲ್ತ್ದ್, ಅಕುಲು ಕನ್ಡ್ದಿತ್ತಿನ ಸ್ಕೂಟರ್ನ್ ಉಲಕೈ ಮಲ್ತೊಂದೆರ್.
ಬಂಟ್ವಾಳ ಸಜೀಪ ಮುನ್ನೂರು ನಿವಾಸಿ ಹಸನ್ ಬಾವ (55) ಬೊಕ್ಕ ಬಿ. ಮೂಡಾ ನಿವಾಸಿ ಮೊಹಮ್ಮದ್ ಇರ್ಷಾದ್ (37) ಕೈದಾತಿನ ಆರೋಪಿಲು. ಮೊಕಲೆನ ಕೈರ್ದ್ ಸುಮಾರ್ 50,000 ರೂಪಾಯಿ ಮೌಲ್ಯೊದ ಸ್ಕೂಟರ್ನ್ ಸ್ವಾಧೀನ ಮಲ್ತೊಂದೆರ್.
ಕರಿನ ಮಾರ್ಚ್ 21ತಾನಿ ಪರ್ಲಿಯಾದ ಲಾಡ್ಜ್ ಒಂಜೆತ ಶೆಡ್ಡ್ ಉಂತಾದಿತ್ತಿನ ಸ್ಕೂಟರ್ ಕನ್ಡ್ದ್ ಪೋದಿತ್ತ್ಂಡ್. ಈ ಬಗೆಟ್ ಬಂಟ್ವಾಳ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ಂಡ್ (ಅ.ಕ್ರ :37/2026, ಕಲಂ:303(2) BNS). ಜಡ್ತೆ ಮಲ್ತಿನ ಪೊಲೀಸೆರ್ ತಾಂತ್ರಿಕ ಒಲವುಲೆನ ಆಧಾರೊಡು ಆರೋಪಿಲೆನ್ ನಾಡ್ಪತ್ತ್ದೆರ್. ಬಂಟ್ವಾಳ ನಗರ ಪೊಲೀಸೆರ್ ದುಂಬುದ ಕಾನೂನು ಕ್ರಮ ಗೆತೊಂದೆರ್.