Last updated on May 14th, 2026 at 02:53 pm
ಪುತ್ತೂರ್, ಮೇ. 14: ಇಂಧನ ಒರಿಪರೆ ಅಂಚೆನೇ ಸಾರ್ವಜನಿಕ ಸಾರಿಗೆ ಗಲಸೆರೆ ಪ್ರಧಾನಿ ನರೇಂದ್ರ ಮೋದಿ ಪನ್ಡಿನೆಕ್ ಮಂಗಳೂರು ಜಿಲ್ಲಾ ಬಿಜೆಪಿ ಅಧ್ಯಕ್ಷೆ ಸತೀಶ್ ಕುಂಪಲ ಮೇರ್ ಸ್ಪಂದನೆ ಮಲ್ತಿತ್ತ್ದ್. ಪುತ್ತೂರ್ಡ್ ನಡತಿನ ಒಂಜಿ ಮದಿಮೆದ ಲೇಸ್ಗ್ ಆರ್ ಕುಡ್ಲರ್ದ್ ಸರ್ಕಾರಿ ಬಸ್ ಬೊಕ್ಕ ರಿಕ್ಷಾಡ್ ಬತ್ತ್ದೆರ್.
ಪಕ್ಷೊದ ಪುತ್ತೂರು ನಗರ ಮಂಡಲೊದ ಕಾರ್ಯಂತೆರೆನ ಮದಿಮೆದ ಲೇಸ್ಗ್ ಬರ್ಯೆರ ಸತೀಶ್ ಕುಂಪಲೆರ್ ಆರೆನ ವೈಯಕ್ತಿಕ ಕಾರ್ನ್ ಗಲಸಂದೆ, ಕುಡ್ಲದ ಕೆ.ಎಸ್.ಆರ್.ಟಿ.ಸಿ ಬಸ್ ಉಂತಡೆರ್ದ್ ಬಸ್ಡೇ ಬತ್ತ್ದೆರ್. ಪುತ್ತೂರು ಉಂತಡೆಗ್ ಎತ್ತ್ದ್ ಅಲ್ಪರ್ದ್ ರಿಕ್ಷಾಡ್ ಲೇಸ್ದಡೆ ಪೋತೆರ್.
“ದೇಶೊದ ಹಿತದೃಷ್ಟಿಡ್ ಇಂಧನ ಗಲಕೆ ಕಮ್ಮಿ ಮಲ್ತ್ದ್, ಸಾರ್ವಜನಿಕ ಸಾರಿಗೆನ್ ಗಲಸೊಡು ಪನ್ಪಿ ಪ್ರಧಾನಿಯೆರೆ ಆಶಯೊದ ಪ್ರಕಾರ ಯಾನ್ ಈ ನಿರ್ಧಾರ ಗೆತೊಂದೆ. ಪ್ರತಿಯೊರಿಲಾ ಈ ದಿಟ್ಟಿಡ್ ಪಜ್ಜೆ ದೀವೊಡು.” ಪನ್ದ್ ಈ ಪೊರ್ತುಡು ಆರ್ ಬಿನ್ನಪು ಮಲ್ತೊಂಡೆರ್.