Last updated on May 14th, 2026 at 12:11 pm
ತಿರುವನಂತಪುರಂ, ಮೇ. 14: ಪಾಕ ಲೆಕ್ಕಾಚಾರ ಮಾತ ಮಲ್ತ್ದ್ ಇತ್ತೆ ಕಡೇಕ್ಲಾ ಕೇರಳದ ಪೊಸ ಸಿಎಂ ಆದ್ ವಿ.ಡಿ.ಸತೀಶನ್ ಮೆರೆನ ಪುದರ್ನ್ ಎಐಸಿಸಿ ಘೋಷಣೆ ಮಲ್ತ್ದ್ಂಡ್. ಕೇರಳ ಕಾಂಗ್ರೆಸ್ ನಾಯಕೆರಾಯಿನ ಕೆ.ಸಿ ವೇಣುಗೋಪಾಲ್, ವಿ.ಡಿ ಸತೀಶನ್ ಬೊಕ್ಕ ರಮೇಶ್ ಚೆನ್ನಿತ್ತಲ ಮೊಕಲೆನ ಪುದರ್ ಪ್ರಮುಖವಾದ್ ಸಿಎಂ ರೇಸ್ಡ್ ಇತ್ತ. ಆಂಡ ಇಂದೆಟ್ ವಿ.ಡಿ.ಸತೀಶನ್ ಮೆರೆನ್ ಪೊಸ ಮುಖ್ಯಮಂತ್ರಿಯಾದ್ ಪಕ್ಷೊದ ವರಿಷ್ಠೆರ್ ಪ್ರಕಟ ಮಲ್ತ್ದೆರ್.
ಏಪ್ರಿಲ್ 9ದಾನಿ ಕೇರಳ ವಿಧಾನಸಭಾ ಚುನಾವಣೆ ನಡತಿತ್ತ್ದ್, ಅವೆತ ಫಲಿತಾಂಶ ಮೇ 4 ಕ್ ಪ್ರಕಟ ಆದಿತ್ತ್ಂಡ್. ಕಾಂಗ್ರೆಸ್ ಮುತಾಲಿಕೆದ ಯುಡಿಎಫ್ 140 ವಿಧಾನಸಭಾ ಸ್ಥಾನೊಲೆಡ್ 102 ಸ್ಥಾನೊನು ಗೆಂದ್ದ್ ಮಲ್ಲ ಪಕ್ಷ ಆದಿತ್ತ್ಂಡ್. ಆಡಳಿತಾರೂಢ ಎಲ್ಡಿಎಫ್ ಕೇವಲ 35 ಸೀಟ್ ಗೆಂದ್ದ್ ಅಲಕ್ಕ ಸೋತ್ದ್ಂಡ್. ಆಂಡಲಾ ಪೊಸ ಸಿಎಂ ನ್ ಅಜಪೆರೆ ಕಾಂಗ್ರೆಸ್ ನಾಯಕೆರ್ 10 ದಿನ ಗೆತೊಂದೆರ್.
ಕೇರಳ ರಾಜ್ಯೊದ ಪೊಸ ಸಿಎಂ ಆದ್ ವಿ.ಡಿ.ಸತೀಶನ್ ಅಜತ್ ಬತ್ತಿನ ಬೆರಿಟೇ ತಿರುವನಂತಪುರಂದ ಕಾಂಗ್ರೆಸ್ ಕಚೇರಿಡ್ ಕಾರ್ಯಕರ್ತೆರೆನ ಸಂಭ್ರಮಾಚರಣೆ ನಡತ್ಂಡ್.