Last updated on May 19th, 2026 at 08:13 am
ಕುಡ್ಲ, ಮೇ 19: ಗಾಡಿಲೆಡ್ ಪೋಪುನಕಲೆಗ್ ಅಂಚೆನೇ ಜನಸಾಮಾನ್ಯೆರೆಗ್ ತೈಲ ಕಂಪೆನಿಲು ಬೆರಿಬೆರಿ ಬಿಲೆ ಏರ್ಪಾದ್ ಮಲ್ಲ ಶಾಕ್ ಕೊರ್ತ. ಕರಿನ ಶುಕ್ರವಾರ ಆತೇ (ಮೇ 15) ಪ್ರತಿ ಲೀಟರ್ಗ್ ₹3 ಎಚ್ಚ ಮಲ್ತಿತ್ತಿನ ಸರ್ಕಾರಿ ಸ್ವಾಮ್ಯೊದ ತೈಲ ಕಂಪೆನಿಲು, ಇನಿ ಕಾಂಡೆ ಕುಡ ಪ್ರತಿ ಲೀಟರ್ಗ್ 90 ಪೈಸೆದಾತ್ ರೇಟ್ ಏರ್ತ್ದ.
ಮಧ್ಯಪ್ರಾಚ್ಯೊಡು (ಪಶ್ಚಿಮ ಏಷ್ಯಾ) ದುಂಬರಿದಿನ ಕೊಲಲ ಬೊಕ್ಕ ಉದ್ವಿಗ್ನ ಪರಿಸ್ಥಿತಿರ್ದಾವರ ಜಾಗತಿಕ ಮಾರುಕಟ್ಟೆಡ್ ಕಚ್ಚಾ ತೈಲೊದ (Crude Oil) ಬಿಲೆ ಎಚ್ಚ ಆತಿನ ಬೊಕ್ಕ ಇಮ್ಪೋರ್ಟ್ ಕರ್ಚಿ ಎಚ್ಚ ಆತಿನವು ಇಂಚ ಒರಾನೆ ರೇಟ್ ಏರ್ಪೆರ ಪ್ರಮುಖ ನೆವನ ಪನ್ದ್ ಪನೊಂದುಲ್ಲೆರ್.
ಇನಿ ಕಾಂಡೆಕಾಂಡೆ ಕುಡೊರ ಪೆಟ್ರೋಲ್, ಡೀಸೆಲ್ (Petrol, Diesel) ರೇಟ್ಡ್ 90 ಪೈಸೆ ಎಚ್ಚ ಆದಿತ್ತ್ದ್, ಸರ್ಕಾರಿ ಸ್ವಾಮ್ಯೊದ ತೈಲ ಕಂಪೆನಿಲು ಗ್ರಾಹಕೆರೆಗ್ ಶಾಕ್ ಕೊರ್ತ. ಒಂಜೇ ವಾರೊದುಲಯಿ ರಡ್ಡನೇ ಸರ್ತಿ ತೈಲ ಬಿಲೆ ಎಚ್ಚ್ ಆದಿತ್ತ್ದ್, ಇಂದೆರ್ದಾವರ ಸಾರ್ವಜನಿಕೆರೆ ಕಿಸೆಕ್ ಪೆಟ್ಟ್ ಬೂರ್ಯೆರಗುಂಡು.