Last updated on May 27th, 2026 at 01:51 pm
ಬಂಟ್ವಾಳ, ಮೇ. 27: ಅಪರಿಚಿತ ಗಾಡಿ ಒಂಜಿ ಎಡ್ತ್ದ್ ಸ್ಕೂಟರ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದ್, ಪಿರವು ಕುಲ್ಲುದಿತ್ತಿನಾರೆಗ್ ಗಾತಿದ ಗಡಿಕುಲಾತಿನ ನಡಕೆ ಫರಂಗಿಪೇಟೆ ಕೈತಲ್ದ ಕಡೆಗೋಳಿ ಪನ್ಪಿನಲ್ನ ಬುಧವಾರ ಪುಲ್ಯ ನಡತ್ದ್ಂಡ್.
ಬಜ್ಪೆ ಕೈಕಂಬ ನಿವಾಸಿ ಅಭಿಜಿತ್ (28) ತೀರ್ದಿನಾರ್ . ಬಸ್ ಕ್ಲೀನರ್ ಸಂದೀಪ್ ಗಾತಿದ ಗಡಿಕುಲಾತಿನಾರ್.
ಅಭಿಜಿತ್ ಆರೆನ ದೋಸ್ತಿ ಸಂದೀಪ್ ರೆನ್ ಸ್ಕೂಟರ್ಡ್ ಬಂಟ್ವಾಳದ ಅಮ್ಟಾಡಿದ ಇಲ್ಲಗ್ ಬುಡ್ದು ಬರ್ರೆ ಪೋವೊಂದಿತ್ತೆರ್. ಈ ಪೊರ್ತುಡು ಪುಲ್ಯ 3 ಗಂಟೆದ ಅಂದಾಜಿಗ್ ಫರಂಗಿಪೇಟೆ ಕೈತಲ್ದ ಕಡೆಗೋಳಿ ಪನ್ಪಿನಲ್ಪ ಅಪರಿಚಿತ ಗಾಡಿ ಒಂಜಿ ಸ್ಕೂಟರ್ಗ್ ಪಿರವುರ್ದ್ ಎಡ್ತ್ದ್ ಪದ್ರಾಡಾತ್ಂಡ್ಗೆ.
ಎಡ್ತೆದ ಬರಸ್ಗ್ ಸ್ಕೂಟರ್ ಪಲ್ಟಿ ಆದಿತ್ತ್ದ್ ಅಭಿಜಿತ್ ಅಲ್ಪನೇ ತೀರ್ದೆರ್. ನಡಕೆಡ್ ಸ್ಕೂಟರ್ಡ್ ಪಿರವು ಕುಲ್ಲುದಿತ್ತಿನ ಸಂದೀಪ್ರೆಗ್ ಗಾತಿದ ಗಡಿಕುಲಾದಿತ್ತ್ದ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು.
ಜಾಗೆಗ್ ಬಂಟ್ವಾಳ ಸಂಚಾರಿ ಪೋಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದ್ ಪ್ರಕರಣ ದಾಕಲ್ತೊಂದೆರ್.