Last updated on May 3rd, 2026 at 09:13 am
ಮುಲ್ಕಿ, ಮೇ. 03: ಕಕ್ವ ಕೊಲಕಾಡಿ ಬರ್ಕೆಡ್ ಕೋಡೆ, ಮೇ 2 ತಾರೀಕ್ಗ್ ನಡತಿನ ನೇಮದ ಪೊರ್ತುಡು, Tulu Cultural Research Foundation(R.) ಮೊಕುಲು ತಯಾರ್ ಮಲ್ದಿನ “ಕಕ್ವ ಕೊಲಕಾಡಿ ಬರ್ಕೆ” ಪನ್ಪಿನ ಪುಸ್ತಕ ಬುಡುಗಡೆ ಆಂಡ್.
ಕಕ್ವ ಕೊಲಕಾಡಿದ ಇತಿಹಾಸ ಅಂಚೆನೆ ಬರ್ಕೆದ ಇತಿಹಾಸ, ವಿವಿಧ ಜನಕ್ಲೆನ ಅಭಿಪ್ರಾಯ, ಕಾಂತಬಾರೆ ಬೂದಬಾರೆಗ್ಲಾ ಕಕ್ವ ಕೊಲಕಾಡಿ ಬರ್ಕೆಗ್ಲಾ ಉಪ್ಪುನ ಸಂಬಂಧ, ಕಾಂತಬಾರೆ ಬೂದಬಾರೆ ಸಂಪೂರ್ಣ ಕಥನ ಇಂಚಿನ ಬರವುಲು ಈ ಮಸ್ತಿರೆಡ್ ಉಂಡು. Tulu Cultural Research Foundation(R.)ದ ಏಳನೇ ಮಸ್ತಿರೆ ಆಯಿನ ಈ ಮಸ್ತಿರೆನ್, ಬಂಕಿ ನಾಯ್ಗೆರ್, ದೆಪ್ಪುಣಿಗುತ್ತುದ ಗುತ್ತಿನಾರ್ ಸುಧಾಕರ್ ಶೆಟ್ಟಿ, ಮಾಗಂದಡಿ ನಾಯ್ಗೆರೆ ಮನೆತನದ ತನುಷ್ ಪೂಜಾರಿ, ಗುಡ್ಡೆ ನಾಯ್ಗೆರೆ ಮನೆತನದ ಶ್ರೀಧರ ಪೂಜಾರಿ, ಪುತ್ತೂರು ಬಾಳಿಕೆ ರಾಮದಾಸ್ ಶೆಟ್ಟಿ, ಕಕ್ವ ಗುತ್ತು ಆಶು ಶೆಟ್ಟಿ, ತಿರ್ತಗುಡ್ಡೆ ಬರ್ಕೆ ಗಂಗಾಧರ ಪೂಜಾರಿ, ಗೋಪಿನಾಥ್ ಪಡಂಗ, ಊರುದ ನಟ್ಟಿಲ್ ಬೊಕ್ಕ ಗುರಿಕಾರ ಮನೆತನ, ಕಕ್ವ ಕೊಲಕಾಡಿ ಬರ್ಕೆದ ಟ್ರಸ್ಟ್ದ ಗುರ್ಕಾರ್ಲು ವಿಶಾಲ್.ಎಲ್ ಸಾಲ್ಯಾನ್, TCRF ದ ಮಹಿ ಮುಲ್ಕಿ ಬೊಕ್ಕ ಕಕ್ವ ಕೊಲಕಾಡಿ ಬರ್ಕೆದ ಕಿರಣ್ ಕೋಟ್ಯಾನ್, ಪ್ರಜ್ವಲ್ ಆರ್ ಪೂಜಾರಿ, ಗಣೇಶ್ ಕೋಟ್ಯಾನ್ ಅಂಚೆನೆ ಮಾತಾ ಕುಟುಂಬಿಕೆರೆನ ಸಮ್ಮುಖೊಡು ಬುಡುಗಡೆ ಮಲ್ತೆರ್. ಈ ಪೊರ್ತುಡು ದೆಪ್ಪುಣಿಗುತ್ತುದ ಗುತ್ತಿನಾರ್ ಸುಧಾಕರ ಶೆಟ್ಟಿ, ಪುತ್ತೂರು ಬಾಳಿಕೆದ ರಾಮದಾಸ್ ಶೆಟ್ಟಿ ಮೊಕುಲು ಎಡ್ಡೆಪ್ಪುದ ನುಡಿ ಬಾಮಿಯೆರ್.
