Last updated on May 21st, 2026 at 11:54 am
ಕುಡ್ಲ, ಮೇ. 21: ಕುಂಟಿಕಾನ ಕೈತಲ್ದ ಲೋಹಿತ್ ನಗರೊಡು ಬರೆ ಜರಿದ್ ಆಂಜೊವು ಒರಿ ಮಣ್ಣ್ದಡಿಟ್ ತಿಕೊಂದಿನ ನಡಕೆ ಇನಿ ಗುರುವಾರ (ಮೇ 21) ನಡತ್ದ್ಂಡ್.
ಉರ್ವ ಅಶೋಕನಗರ ನಿವಾಸಿ ಸೆಂಟೋನಿನರ್ (65) ಮಣ್ಣ್ದಡಿಟ್ ತಿಕೊಂದು ಗಡಿಕುಲಾತಿನಾರ್. ಜಾಗೆಗ್ ಬತ್ತಿನ ಕದ್ರಿ ಅಗ್ನಿಶಾಮಕ ದಳೊದ ಸಿಬಂದಿಲು ಕಾರ್ಯಾಚರಣೆ ಮಲ್ತ್ದ್ ಆರೆನ ಜೂವ ಕಾತ್ದೆರ್.
ಗುರುವಾರ ಕಾಂಡೆ 10 ಗಂಟೆದ ಅಂದಾಜಿಗ್ ಈ ನಡಕೆ ನಡತ್ದ್ಂಡ್. ಒಂಜಿ ಇಲ್ಲದ ಪಿರವು ಮೆಯಿಟ್ ಪಾಗಾರ ಕಟ್ಟೆರೆ ಅಲತೊಂದುಪ್ಪುನಗ ಬರೆ ಜರಿದ್ ಇಂಚ ಆತ್ಂಡ್.
ಪಾಗಾರ ಕಟ್ಟುನ ಬೇಲೆಗ್ ಸೆಂಟೋನಿನರ್ ಕಂತ್ರಾಟ್ ಗೆತೊಂದಿತ್ತೆರ್. ಬೇತೆ ನಾಲ್ ಜನ ಕಾರ್ಮಿಕೆರೆನ ಒಟ್ಟುಗು ಅಡೆಗ್ ಬತ್ತ್ದ್ ಪರಿಶೀಲನೆ ಮಲ್ತೊಂದಿತ್ತೆರ್. ಮಣ್ಣ್ದಡಿಟ್ ಬೂರ್ದು ಗಡಿಕುಲಾತಿನ ಆರೆನ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಮಿತ್ತ ಮೆಯಿಟ್ ಒಂಜಿ ಇಲ್ಲ್ ಇತ್ತ್ದ್, ಕರಿನ ವರ್ಸ ಮರ್ಯಾಲಡ್ ಜರಿದಿತ್ತಿನೆರ್ದಾವರ ಪಾಗಾರ ಕಟ್ಟುನ ಲೆಕ್ಕ ಪಾಡ್ದಿತ್ತೆರ್.