Last updated on May 21st, 2026 at 10:43 am
ಬೋಲ್ತೇರ್, ಮೇ. 21: ಕುಡ್ಲದ ಪ್ರೈವೇಟ್ ಕಾಲೇಜ್ಡ್ ಕಲ್ತೊಂದುಪ್ಪುನ ಮೂವೆರ್ ಜವನ್ದಿಯರ್ಲು, ಮೂವೆರ್ ಜವನೆರೆ ಒಟ್ಟುಗು ಮೇ 20 ದಾನಿ ಬೋಲ್ತೇರ್ದ ದಿಡುಪೆ ಅರ್ಬಿಗ್ ಪೋದಿತ್ತೆರ್. ಈ ಪೊರ್ತುಡು ಆ ಮೂವೆರ್ ಜವನೆರ್ ಪೊಣ್ಣುಲೆಡ ತತ್ತ್ದ್ ನಡತೊಂದಿತ್ತ್ದ್, ಮೂವೆರೆನ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಕೇರಳ ಕಾಸ್ರೋಡ್ ಮೂಲೊದ ಅಬ್ದುಲ್ ಖಾದರ್ ಅಫ್ (36), ಫೈಜಲ್ ಅದಿಲ್ (27) ಬೊಕ್ಕ ಉಸ್ಮಾನ್ ಸಾಲೀಂ (18) ಕೈದಾತಿನಕುಲು.
ಮೇ.20ದ ಬುಧವಾರ ಆಜಿ ಜನ ಬೋಲ್ತೇರ್ ತಾಲೂಕ್ದ ದಿಡುಪೆ ಅರ್ಬಿಗ್ ಪೋದಿತ್ತೆರ್. ಈ ಪೊರ್ತುಡು ಮೂವೆರ್ ಜವನೆರ್ ಅಕಲೆ ಒಟ್ಟುಗು ಇತ್ತಿನ ಪೊಣ್ಣುಲೆಡ ಅನುಚಿತ ವರ್ತನೆ ಮಲ್ತ್ದ್, ಲೈಂಗಿಕ ಕಿರುಕುಳ ಕೊರ್ತೆರ್ಗೆ. ಜವನ್ದಿಯೆರ್ ಅಪಗ ಪ್ರತಿರೋಧ ಮಲ್ತ್ದ್ ಕಲ್ಕ್ನಗ ಕೈತಲ್ಡೆ ಇತ್ತಿನ ಸಾರ್ವಜನಿಕೆರ್ ಬತ್ತ್ದ್ ಮೂವೆರ್ ಜವನೆರೆನ್ ಪತ್ತ್ದ್ ಬೋಲ್ತೇರ್ ಪೊಲೀಸ್ ಸ್ಟೇಶನ್ಗ್ ಒಲವು ಕೊರ್ತೆರ್.
ಬೊಕ್ಕ ಬೋಲ್ತೇರ್ ಪೊಲೀಸೆರ್ ಮೂಜಿ ಜನ ಜವನೆರೆನ್ ಉಲಕೈ ಮಲ್ತ್ದ್ ಆ ಪೊಣ್ಣುಲೆನ ರಕ್ಷಣೆ ಮಲ್ತ್ದೆರ್.
ಬೋಲ್ತೇರ್ ಸ್ಟೇಶನ್ಡ್ ಪ್ರಕರಣ ದಾಕಲ್ತೊಂದು, ಜವನೆರ್ ಗಲಸ್ದಿನ ಸ್ವಿಫ್ಟ್ ಕಾರ್ನ್ ಉಲಕೈ ಮಲ್ತೊಂದೆರ್.