Last updated on May 20th, 2026 at 12:46 pm
ರೋಮ್, ಮೇ 20: ಮೆಲೋಡಿ ಚಾಕೊಲೇಟ್ ಭಾರತೊಡು ಫೇಮಸ್, ಅವೆತ ಸಬಿ ತೆರಿಯಂದಿನಕುಲು ಬಾರೀ ಕಮ್ಮಿ. ಪ್ರಧಾನಿ ನರೇಂದ್ರ ಮೋದಿಯೆರೆನ ಇಟಲಿ ಪ್ರವಾಸೊದ ಪೊರ್ತುಡು ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿಗ್ ಮೆಲೋಡಿ ಚಾಕೊಲೇಟ್ ಪ್ಯಾಕ್ ಉಡುಗಿರೆ ಕೊರ್ದಿತ್ತ್ದ್, ರಡ್ಡ್ ದೇಶೊಲೆನ ಸಂಬಂಧ ಈತೇ ಚೀಪೆ ಆದ್ ಉಪ್ಪಡ್ ಪನ್ದ್ ಬಾಮಿತ್ದೆರ್. ಮೋದಿರ್ದ್ ಗಿಫ್ಟ್ ಗೆತೊಂದಿನ ಮೆಲೋನಿ ಈ ವಿಡಿಯೋನ್ ಸಾಮಾಜಿಕ ಬಲೆತ್ತಾನೊಡು ಪಟ್ಟೊಂದೆರ್.
ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿ ಮೆರೆನ ಲೆಪ್ಪುಗ್ ಓ ಕೊರ್ದು ಮೋದಿ ಆರೆನ ಐನ್ ರಾಷ್ಟ್ರೊಲೆನ ಪ್ರವಾಸೊದ ಐನನೇ ಬೊಕ್ಕ ಕಡೇತ ನಿಲವುಗು ಅಂಗಾರೆ ರೋಮ್ಗ್ ಬತ್ತ್ದೆರ್. ಬೇರ, ಹೂಡಿಕೆ, ರಕ್ಷಣೆ, ಶುದ್ಧ ಇಂಧನ, ನಾವೀನ್ಯತೆ, ವಿಜ್ಞಾನ ಬೊಕ್ಕ ತಂತ್ರಜ್ಞಾನ ಅಂಚೆನೇ ಸಾಂಸ್ಕೃತಿಕ ವಿನಿಮಯೊಲೆಡ್ ಸಹಕಾರೊದ ಮಿತ್ತ್ ಗೇನ ಕೊರ್ಯೆರ ಜಂಟಿ ಕಾರ್ಯತಂತ್ರೊದ ಕ್ರಿಯಾ ಯೋಜನೆ 2025-2029 ತ ಅಡಿಟ್ ಭಾರತ ಬೊಕ್ಕ ಇಟಲಿ ಸಂಬಂಧೊಲೆನ್ ಗಟ್ಟಿಮಲ್ತೊಂದುಪ್ಪುನ ಪೊರ್ತುಡು ಈ ಭೇಟಿ ನಡತ್ದ್ಂಡ್.