Last updated on May 30th, 2026 at 11:20 am
ಕುಂದಾಪುರ, ಮೇ. 30 : ಸಿದ್ದಾಪುರೊದ ಮೂಡುಬಗೆದ ಬಾಳ್ಕಟ್ಟು ಸಂಕೊದ ಕೈತಲ್ ಶುಕ್ರವಾರ ಪ್ರೈವೇಟ್ ಬಸ್ ಟೂವೀಲರ್ ಒಂಜೆಕ್ ಎಡ್ತಿನೆರ್ದಾವರ 80 ವರ್ಸ ಪ್ರಾಯೊದಾರ್ ಒರಿ ತೀರ್ದೆರ್.
ತೀರ್ದಿನಾರೆನ್ ಬಸವ ನಾಯ್ಕ್ (80) ಪನ್ದ್ ಗುರ್ತ ಪತ್ತ್ದೆರ್. ಪ್ರೈವೇಟ್ ಬಸ್ ಸಿದ್ದಾಪುರೊರ್ದು ಕುಂದಾಪುರ ದಂಚಿ ಪೋವೊಂದಿತ್ತ್ದ್, ಬಸವ ನಾಯ್ಕ್ ಅಂಪಾರ್ ದಂಚಿರ್ದ್ ಶಾನ್ಕಟ್ಟು ದ ಆರೆನ ಇಲ್ಲದಂಚಿ ಪೋವ್ಂದಿತ್ತೆರ್.
ಎಡ್ತೆಡ್ ಮೋಪೆಡ್ ಬುಡೊಂದಿತ್ತಿನಾರೆಗ್ ಗಾತಿದ ಗಡಿಕುಲಾತ. ಕೈತಲ್ದಕುಲು ಆರೆನ್ ಕುಂದಾಪುರೊದ ಸರ್ಕಾರಿ ಆಸ್ಪತ್ರೆಗ್ ಲೆತೊಂದು ಪೋತೆರ್, ಅಲ್ಪ ಡಾಕ್ಟರ್ ಪರೀಕ್ಷೆ ಮಲ್ತ್ದ್ ತೀರ್ದೆರ್ ಪನ್ದ್ ಘೋಷಣೆ ಮಲ್ತ್ದೆರ್.
ನಡಕೆಗ್ ಸಂಬಂಧಿತ್ದ್ ಪ್ರೇಮಾನಂದ ಶೆಟ್ಟಿ ಕನ್ಯಾನ ಮೇರ್ ಒಯಿಲ್ ಬರೆಪಾದೆರ್. ಶಂಕರನಾರಾಯಣ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಜಡ್ತೆ ನಡತೊಂದುಂಡು.