Last updated on May 1st, 2026 at 08:11 am
ಕುಡ್ಲ, ಮೇ. 01: ಪೇಂಟೆಡ್ ನೇತ್ರಾವತಿ ಸುದೆ ನೀರ್ದ ಉಲಪರಪು ಕೈದಾದಿತ್ತ್ದ್, ಕೊಟ್ಟಕುರಿ ದೊಂಬುಗು ತುಂಬೆ ಕಿಂಡಿ ಅಣೆಕಟ್ಟಡ್ ನೀರ್ದ ಮಟ್ಟ ಅಲಕ್ಕ ಜತ್ತ್ದ್ಂಡ್. ಈ ಅರೆಗಾಲೊದ ಅಕೇರಿ ಮುಟ್ಟ ಪರ್ಪಿನ ನೀರ್ ಸಪ್ಲೈಗ್ ತಲೆಪಾವಂದಿಲೆಕ ಕ್ರಮ ಗೆತೊನುನ ದಿಟ್ಟಿಡ್ ಮೇ 4 ರ್ದ್ ರೇಶನಿಂಗ್ ಮುಕೇನ ನೀರ್ ಸಪ್ಲೈ ಮಲ್ಪೆರ ಮಂಗಳೂರು ಮಹಾನಗರ ಪಾಲಿಕೆ ನಿರ್ಧಾರ ಮಲ್ತ್ದ್ಂಡ್.
ರೇಶನಿಂಗ್ ವ್ಯವಸ್ಥೆದ ಮುಕೇನ ಕುಡ್ಲದ ಬಡಕಾಯಿ ಬೊಕ್ಕ ತೆನ್ಕಾಯಿ ಭಾಗೊಗು ರಡ್ಡ್ ದಿನೊಕೊರ ನೀರ್ ಸಪ್ಲೈ ಮಲ್ಪೆರೆ ನಿರ್ಧಾರ ಮಲ್ತ್ದ ಪನ್ದ್ ಪಾಲಿಕೆ ಆಯುಕ್ತೆರ್ ಪ್ರಕಟನೆಡ್ ತೆರಿಪಾದೆರ್.
ಆ ಪ್ರಕಾರ ಮೇ 4 ರ್ದ್ ಬೆಂದೂರು ರೇಚಕ ಸ್ಥಾವರೊರ್ದು ಕೋರ್ಟ್ ವಾರ್ಡ್, ಕಾರ್ ಸ್ಟ್ರೀಟ್, ಬಾವುಟಗುಡ್ಡ ಟ್ಯಾಂಕ್, ಆಕಾಶವಾಣಿ, ಪದವು, ಗೋರಿಗುಡ್ಡ, ಸೂಟರ್ ಪೇಟೆ, ಶಿವಭಾಗ್, ಬೆಂದೂರು, ಕದ್ರಿ, ವಾಸ್ಲೇನ್, ಬೆಂದೂರು, ಲೋಲೆವೆಲ್ ಪ್ರದೇಶೊಲು, ಬೋಳೂರು ಪ್ರದೇಶ. ಪಡೀಲ್ ರೇಚಕ ಸ್ಥಾವರೊರ್ದು ಮಂಗಳಾದೇವಿ, ಅತ್ತಾವರ, ಬಾಬುಗುಡ್ಡೆ, ವೆಲೆನ್ಸಿಯ, ಜಪ್ಪಿನಮೊಗರು, ಬಿಕರ್ನಕಟ್ಟೆ, ಉಲ್ಲಾಸನಗರ, ಬಜಾಲ್, ತಿರುವೈಲು, ವಾಮಂಜೂರು.
ಶಕ್ತಿನಗರ ಟ್ಯಾಂಕ್ರ್ದ್ ಕುಂಜತ್ತಬೈಲ್, ಮುಗ್ರೋಡಿ, ಶಕ್ತಿನಗರ, ಸಂಜಯ ನಗರ, ಪ್ರೀತಿ ನಗರ, ಮಂಡ್ಕ, ರಾಜೀವ ನಗರ, ಬೊಂದೇಲ್, ಗಾಂಧಿನಗರ, ಶಾಂತಿನಗರ ಕಾವೂರು.
ತುಂಬೆ- ಪಣಂಬೂರು ಡೈರೆಕ್ಟ್ ಲೈನ್ರ್ದ್ ಕಂಕನಾಡಿ, ನಾಗುರಿ, ಪಂಪ್ವೆಲ್, ಬಲ್ಲೂರು ಗುಡ್ಡೆ, ಪಡೀಲ್ಗ್ ನೀರು ಸಪ್ಲೈ ಆಪುಂಡು.
ಮೇ 5 ತಾನಿ ಪಣಂಬೂರು ರೇಚಕ ಸ್ಥಾವರೊರ್ದು ಸುರತ್ಕಲ್, ಎನ್ಐಟಿಕೆ, ಮುಕ್ಕ, ಪೊಸಬೊಟ್ಟು, ಕುಳಾಯಿ, ಜನತಾ ಕಾಲನಿ, ಬೈಕಂಪಾಡಿ, ಪಣಂಬೂರು, ಮೀನಕಳಿಯ.
ಪಡೀಲ್ ರೇಚಕ ಸ್ಥಾವರೊರ್ದು ಬಜಾಲ್, ಜಲ್ಲಿಗುಡ್ಡೆ, ಮುಗೇರ್, ಎಕ್ಕೂರು, ಸದಾಶಿವನಗರ, ಅಳಪೆ, ಮೇಘನಗರ, ಮಂಜಳಿಕೆ, ಕಂಕನಾಡಿ ರೈಲ್ವೇ ಸ್ಟೇಷನ್ ಪ್ರದೇಶ, ಕುಡುಪು, ಪಾಂಡೇಶ್ವರ, ಸ್ಟೇಟ್ಬ್ಯಾಂಕ್, ಗೂಡ್ಶೆಡ್, ಧಕ್ಕೆ, ಕಣ್ಣೂರು, ನಿಡ್ಡೆಲ್, ಶಿವನಗರ, ಕೊಡಕ್ಕಲ್, ನೂಜಿ, ಸರಿಪಳ್ಳ, ಉಲ್ಲಾಸ್ ನಗರ, ವೀರ ನಗರ.
ಶಕ್ತಿನಗರ ಟ್ಯಾಂಕ್ರ್ದ್ ಕಂಡೆಟ್ಟು, ಕುಲಶೇಖರ, ಮರೋಳಿ, ಕಕ್ಕೆಬೆಟ್ಟು, ಸಿಲ್ವರ್ ಗೇಟ್, ಕೊಂಗೂರು ಮಠ, ಪ್ರಶಾಂತ ನಗರ.
ತುಂಬೆ ಪಣಂಬೂರು ಡೈರೆಕ್ಟ್ ಲೈನ್ರ್ದ್ ಮೂಡ ಪಂಪ್ ಹೌಸ್, ಕೊಟ್ಟಾರ ಚೌಕಿ ಪಂಪ್ಹೌಸ್, ಕೂಳೂರು ಪಂಪ್ಹೌಸ್, ಕಾಪಿಕಾಡ್, ದಡ್ಡಲ್ಕಾಡ್ ಪ್ರದೇಶ, ಬಂಗ್ರ ಕೂಳೂರು ಈ ಪ್ರದೇಶೊಲೆಗ್ ನೀರ್ ಸಪ್ಲೈ ಆಪುಂಡು. ಇಂಚೆನೇ ದಿನ ಬುಡ್ದು ದಿನ ನೀರ್ ಸಪ್ಲೈ ಬರ್ಪುಂಡು ಪನ್ದ್ ಪಾಲಿಕೆ ಆಯುಕ್ತೆರ್ ತೆರಿಪಾದೆರ್.
ಸಾರ್ವಜನಿಕೆರ್ ನೀರ್ದ ಸಮಸ್ಯೆ ಬತ್ತ್ಂಡ ತಿರ್ತ್ ಕೊರ್ತಿನ ನಂಬರ್ಲೆಗ್ ಫೋನ್ ಮಲ್ಪೊಲಿ.
ಪಡೀಲ್ ರೇಚಕ ಸ್ಥಾವರ- 0824-2230840
ಬೆಂದೂರ್ ರೇಚಕ ಸ್ಥಾವರ- 0824-2220303, 2220362
ಪಣಂಬೂರು ರೇಚಕ ಸ್ಥಾವರ- 0824- 2220364
ಮನಪಾ ವಾಟ್ಸಾಪ್- 9449007722
ಮನಪಾ ಕಂಟ್ರೋಲ್ ರೂಂ- 0824- 2220319