Last updated on June 30th, 2026 at 04:17 pm
ಒಡಿಪು, ಜೂ. 30: ಪೆಟ್ರೋಲ್ ಬಂಕ್ಡ್ ಕಾರ್ಗ್ 4,711 ರೂ. ಮೌಲ್ಯೊದ ಡೀಸೆಲ್ ಪಾಡ್ಪಾದ್ ಕಾಸ್ ಕೊರಂದೆ ಕಾರ್ ಬುಡೊಂದು ಸೀದಾ ಪೋತಿನ ನಡಪು ಒಡಿಪು ಜಿಲ್ಲೆದ ಕುರ್ಕಲ್ ಗ್ರಾಮೊದ ಇಂಡಿಯನ್ ಆಯಿಲ್ ಪೆಟ್ರೋಲ್ ಬಂಕ್ಡ್ ನಡತ್ದ್ಂಡ್. ಆರೋಪಿಲೆನ ಮಿತ್ತ್ ಶಿರ್ವ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್.
ಕುರ್ಕಲ್ ಬಂಕ್ದ ಮ್ಯಾನೇಜರ್ ಆಶಿಶ್ ಕರ್ಕಡ ಮೇರ್ ಬರೆಪಾದಿನ ಒಯಿಲ್ದ ಪ್ರಕಾರ, ಜೂನ್ 27 ತಾನಿ ರಾತ್ರೆ 9.20 ದ ಅಂದಾಜಿಗ್ ಈ ನಡಪು ನಡತ್ದ್ಂಡ್. ಬೊಲ್ದು ರಂಗ್ದ ಫೋರ್ಡ್ ಇಕೋಸ್ಪೋರ್ಟ್ ಕಾರ್ ಬಂಕ್ಗ್ ಬತ್ತ್ದ್ ಫುಲ್ ಟ್ಯಾಂಕ್ ಡೀಸೆಲ್ ಪಾಡ್ರೆ ಪನ್ತೆರ್. ಡೀಸೆಲ್ ದಿಂಜಾಯಿ ಬೊಕ್ಕ ಸಿಬ್ಬಂದಿ ಕಾಸ್ ಕೇನ್ದೆರ್. ಆಂಡ ಬಿಲ್ ಪ್ರಿಂಟ್ ಮಲ್ಪುನಗ ಕಾರ್ಡ್ ಇತ್ತಿನಕುಲು ಕಾಸ್ ಕೊರಂದೆ ಬಂಕ್ರ್ದ್ ಬೀಸಡ್ ಪದ್ರಾಡಾತೆರ್ . ಅಕುಲು 4,711.09 ರೂ ದಾತ್ ಡೀಸೆಲ್ ಪಾಡ್ಪಾದೆರ್ಗೆ.
ನಡಪುದ ಬಗೆಟ್ ಸಿಸಿಟಿವಿ ದೃಶ್ಯಾವಳಿಲು ಉಲ್ಲ ಪನ್ದ್ ಬಂಕ್ದ ಆಡಳಿತ ಮಂಡಳಿ ಪೊಲೀಸೆರೆಗ್ ಒಲವು ಕೊರ್ತೆರ್. ಆಂಡ ಹೈಬೀಮ್ ಹೆಡ್ಲೈಟ್ರ್ದಾವರ ಕ್ಯಾಮೆರಾಡ್ ಕಾರ್ದ ನಂಬರ್ ಸಮ ತೋಜೊಂದಿಜ್ಜಿ.
ಶಿರ್ವ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಎಚ್ಚಿಗೆ ಜಡ್ತೆ ನಡತೊಂದುಂಡು.