Last updated on July 1st, 2026 at 09:29 am
ಕುಡ್ಲ, ಜು.01: ಜೋರು ಬರೊಂದುಪ್ಪುನ ಬರ್ಸೊರ್ದಾವರ ಕಂಕನಾಡಿ ಪೊಲೀಸ್ ಸ್ಟೇಶನ್ ಸೀಮೆದ ನಾಗುರಿ ಡ್ ಇಲ್ಲದ ಮಿತ್ತ್ ಕಂಪೌಂಡ್, ಬರೆ ಜರಿದ್ ಬೂರ್ದು, ಮಾಡ್ದ ಇಲ್ಲಡ್ ಇತ್ತಿನ ಒರ್ತಿ ಪೊಂಜೊವು ಬೊಕ್ಕ ಇರ್ವೆರ್ ಪೊಣ್ಣು ಜೋಕುಲು ತೀರ್ದೆರ್.
ನಡಪುಡು ಅನಾಮಿಕ ಚೌರಾಸಿ(8) , ಪರಿ(3) ಶಾಂತ, (46 ) ತೀರ್ದಿನಕುಲು. ರಕ್ಷಣಾ ಕಾರ್ಯೊಡು ಬದ್ಕ್ದ್ ಒರಿನಕಲೆನ್ ಅಲ್ಕಾ (14) ಅನುಷಾ( 11), ಬಾಲಕೃಷ್ಣೆ( 48) ಪನ್ದ್ ಗುರ್ತ ಪತ್ತ್ದೆರ್.
ಗರೋಡಿದ ಮಾರಿಯಲ್ ಹೌಸ್ಡ್ ಕಾಂಡೆ 4.45 ರ್ದ್ 5.00 ಗಂಟೆದ ನಡುಟು ಈ ನಡಪು ನಡತಿತ್ತ್ದ್, ಬುಡಂದೆ ಬತ್ತಿನ ಬರ್ಸರ್ದಾವರ ಕಾಂಪೌಂಡ್ ಜರಿದ್ಂಡ್. ನಾಲ್ ಇಲ್ಲ್ದಕುಲು ಕಾಂಪೌಂಡ್ದ ತಿರ್ತದ ಬಾಡಾಯಿದಿಲ್ಲಡ್ ಇತ್ತೆರ್.
ಬಿಹಾರ ಮೂಲೊದ ಲಾಲ್ಬಾಬು ಮೇರ್ಲಾ ಕರಿನ ಎಣ್ಮ ವರ್ಸೊರ್ದಿಂಚಿ ಆರೆನ ಬೊಡೆದಿ ಬೊಕ್ಕ ಆರೆನ ನಾಲ್ವೆರ್ ಪೊಣ್ಣುಜೋಕುಲು ಅಲ್ಕಾ (14), ಅನುಷಾ (11), ಅನಾಮಿಕಾ ಚೌರಾಸಿಯಾ (8), ಬೊಕ್ಕ ಪರಿ (4) ನ ಒಟ್ಟುಗು ಈ ಇಲ್ಲಡ್ ಇತ್ತೆರ್. ನಡಪುಡು ಲಾಲ್ಬಾಬುನ ಮಗಲರ್ಲು ಅಲ್ಕಾ ಬೊಕ್ಕ ಅನುಷಾ ಮೊಕಲೆನ್ ಜರಿದಿನ ಇಲ್ಲರ್ದ್ ಸುರಕ್ಷಿತವಾದ್ ಪಿದಯಿ ದೆತ್ತ್ದೆರ್. ಆಂಡ , ಅನಾಮಿಕಾ ಚೌರಾಸಿಯಾ (8) ಬೊಕ್ಕ ಪರಿ (4) ನ್ ಅವಶೇಷೊಲೆನ ಅಡಿರ್ದ್ ಮತಿತತ್ತಿನ ಸ್ಥಿತಿಟ್ ಪಿದಯಿ ದೆತ್ತ್ದೆರ್. ಆಂಡ ಅಕುಲು ಇರ್ವೆರ್ಲಾ ತೀರ್ದೆರ್ .
ರಡ್ಡನೇ ಕುಟುಂಬ ಬಾಲಕೃಷ್ಣೆ (48) ಪನ್ಪಿನಾರೆನ ಆದಿತ್ತ್ದ್, ಆರ್ ಮೂಲತಃ ಬಿಹಾರೊದಾರ್, ಕರಿನ 20 ವರ್ಸೊರ್ದಿಂಚಿ ಕಂಕನಾಡಿ ಗ್ರಾಮೊದ ಕಂಕನಾಡಿ ಪೊಲೀಸ್ ಸ್ಟೇಶನ್ದ ಪಿರವುದ ಇಲ್ಲಡ್ ಇತ್ತೆರ್. ಆರೆನ್ ಬದ್ಕಾದೆರ್. ಆಂಡ ಆರೆನ ಬೊಡೆದಿ ಶಾಂತಾ (46) ಅವಶೇಷೊಲೆನ ಅಡಿಟ್ ಮತಿತತ್ತಿನ ಸ್ಥಿತಿಟ್ ತಿಕ್ಕ್ದೆರ್. ಬೊಕ್ಕ ಆರ್ ತೀರ್ದೆರ್ ಪನ್ದ್ ವರದಿ ಆತ್ಂಡ್
ಕಂಪೌಂಡ್ದ ಒಟ್ಟುಗು ಬರೆಲಾ ಜರಿದ್ ಇಲ್ಲದ ಮಿತ್ತ್ ಬೂರ್ದಿನೆರ್ದಾವರ ಇಲ್ಲಡಿತ್ತಿನ ಆಜಿ ಜನ ಮಣ್ಣ್ದಡಿಟ್ ತಿಕೊಂದೆರ್. ಇಂದೆಟ್ ಒರಿ ಆಂಜೊವು ಬೊಕ್ಕ ಇರ್ವೆರ್ ಪೊಣ್ಣು ಜೋಕುಲೆನ್ ರಕ್ಷಣೆ ಮಲ್ತ್ದೆರ್. ಒರಿನ ಒರ್ತಿ ಪೊಂಜೊವು ಬೊಕ್ಕ ಇರ್ವೆರ್ ಪೊಣ್ಣು ಜೋಕುಲು ತೀರ್ದೆರ್.
ಒಲವು ತಿಕ್ಕಿನೇ ಜಾಗೆಗ್ ಬತ್ತಿನ ಪೊಲೀಸೆರ್ ಪರಿಶೀಲನೆ ಮಲ್ತ್ದೆರ್. ಜಿಲ್ಲಾಧಿಕಾರಿ ದರ್ಶನ್ ಮೇರ್ಲಾ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.