Last updated on June 10th, 2026 at 02:51 pm
ಮಾಣಿ: ಕುಡ್ಲ-ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿದ ಮಾಣಿಗ್ ಕೈತಲ್ದ ಗಡಿಯಾರ ಪನ್ಪಿನಲ್ಪ ಅಂಜಿ ಕಾರ್ ಸಾದಿದ ಇವೈಡರ್ಗ್ ಎಡ್ತ್ದ್ ಕಬ್ಬೆ ಬೂರ್ದಿನೆರ್ದಾವರ ಕಾರ್ದ ಡ್ರೈವರ್ ತೀರ್ದ್, ಕಾರ್ಡ್ ಇತ್ತಿನಕಲೆಗ್ ಗಾತಿದ ಗಡಿಕುಲಾತಿನ ನಡಕೆ ಇನಿ, ಜೂ.10 ತ ಮಧ್ಯಾಹ್ನ ನಡತ್ದ್ಂಡ್.
ಹಾಸನ ಮೂಲೊದ ಲಕ್ಷ್ಮೀಕಾಂತ್ ತೀರ್ದಿನ ಡ್ರೈವರ್. ರಂಜಿತ್, ದರ್ಶನ್, ಶೋಭಾ ಮೊಕಲೆಗ್ ಗಾತಿದ ಗಡಿಕುಲಾದಿತ್ತ್ದ್, ಆಸ್ಪತ್ರೆಡ್ ಮರ್ದ್ ನಡತೊಂದುಂಡು.
ಮಧ್ಯಾಹ್ನ ಸುಮಾರ್ 12 ಗಂಟೆದ ಅಂದಾಜಿಗ್ ಈ ಎಡ್ತೆ ನಡತ್ದ್ಂಡ್, ಹಾಸನ ಮೂಲೊದಕುಲಾಯಿನ ನಾಲ್ವೆರ್ ಪೋವೊಂದಿತ್ತಿನ ಕಾರ್ ಗಡಿಯಾರದ ಕೈತಲ್ ಡಿವೈಡರ್ಗ್ ಎಡ್ತ್ದ್ ಕಬ್ಬೆ ಬೂರ್ದ್ಂಡ್. ಎಡ್ತೆದ ಬರಸ್ಗ್ ಕಾರ್ ಅಲಕ್ಕ ಞಕ್ಕೆ ಆತ್ಂಡ್. ನಡಕೆದ ಬಗೆಟ್ ತೆರಿನನೇ ಕೈತಲ್ದಕುಲು ಕಾರ್ಡ್ ಇತ್ತಿನಕಲೆನ್ ಪಿದಯಿ ದೆತ್ತ್ದ್ ಕೈತಲ್ದ ಆಸ್ಪತ್ರೆಗ್ ಲೆತೊಂದು ಪೋದು ಬೊಕ್ಕ ಎಚ್ಚಿಗೆ ಮರ್ದ್ಗ್ ಕುಡ್ಲದ ಆಸ್ಪತ್ರೆಗ್ ದಾಕಲ್ತ್ದೆರ್.
ಗಡಿಕುಲಾತಿನೆಟ್ ಕಾರ್ ಡ್ರೈವರ್ ಲಕ್ಷ್ಮೀ ಕಾಂತ್ ರೆನ ಸ್ಥಿತಿ ಚಿಂತಾಜನಕ ಆದಿತ್ತ್ದ್, ಆಸ್ಪತ್ರೆಡ್ ಮರ್ದ್ ಪಲಿಪಂದೆ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಜಾಗೆಗ್ ಬತ್ತಿನ ಪೊಲೀಸೆರ್ ಪರಿಶೀಲನೆ ಮಲ್ತ್.ದ್, ಸುಗಮ ಸಂಚಾರೊಗು ವ್ಯವಸ್ಥೆ ಮಲ್ತ್ ಕೊರ್ತೆರ್. ಈ ಬಗೆಟ್ ಎಚ್ಚಿಗೆ ಒಲವು ನನ ತೆರಿಯೊಡಾತೆ.