Last updated on June 2nd, 2026 at 11:49 am
ಮೈಸೂರ್, ಜೂ. 2: ತಮಿಳುನಾಡ್ದ ಮಾಜಿ ಮುಖ್ಯಮಂತ್ರಿ ಎಂಕೆ ಸ್ಟಾಲಿನ್ (MK Stalin) ರೆನ ಬೊಡೆದಿ ದುರ್ಗಾ ಸ್ಟಾಲಿನ್ (Durga Stalin) ಮೇರ್ ಕರ್ನಾಟಕೊದ ಪುಗರ್ತೆದ ಧಾರ್ಮಿಕ ಕ್ಷೇತ್ರೊಲಾಯಿನ ಮೈಸೂರ್ದ ಚಾಮುಂಡಿಬೆಟ್ಟ ಬೊಕ್ಕ ಮಂಡ್ಯ ಜಿಲ್ಲೆದ ಶ್ರೀರಂಗಪಟ್ಟಣೊದ ನಿಮಿಷಾಂಬಾ ದೇಲಂತಡೆಗ್ ಬತ್ತ್ದ್ ವಿಶೇಷ ಪೂಜೆ ಮಲ್ಪಾದೆರ್. ಸನಾತನ ಧರ್ಮೊದ ವಿರುದ್ಧ ವಿವಾದಾತ್ಮಕ ಪಾತೆರ ಪನ್ಡ್ದ್ ದೇಶೊಡೊರ್ಮೆ ಆಕ್ರೋಶಗ್ ಈಡಾದಿತ್ತಿನ ತಮಿಳುನಾಡ್ ಸಚಿವೆ ಉದಯನಿಧಿ ಸ್ಟಾಲಿನ್ (Udayanidhi Stalin) ನ ಅಪ್ಪೆನೇ ಇತ್ತೆ ಮಗೆ ಬೊಕ್ಕ ಕಂಡನ್ಯನ ಪುದರ್ಡ್ ಶಕ್ತಿ ದೇವತೆಲೆಗ್ ಅರ್ಚನೆ ಮಲ್ಪಾದಿನವು ಸಾರ್ವಜನಿಕ ವಲಯೊಡು ಭಾರೀ ಚರ್ಚೆಗ್ ನೆವನ ಆತ್ಂಡ್.
ಇಂಚಿಪ ಆತೇ ತಮಿಳುನಾಡ್ಡ್ ಎಂ.ಕೆ. ಸ್ಟಾಲಿನ್ರೆನ ಮಗೆ ಅಂಚೆನೇ ವಿಪಕ್ಷ ನಾಯಕೆ ಉದಯನಿಧಿ ಸ್ಟಾಲಿನ್, ‘ಸನಾತನ ಧರ್ಮ ಪನ್ಪಿನ ಉಮಿಲ್, ಡೆಂಗ್ಯೂ, ಮಲೇರಿಯಾ ಇತ್ತಿಲೆಕ. ಅವೆನ್ ಕಾಲಿ ವಿರೋಧ ಮಲ್ತ್ಂಡ ಯಾರಂದ್, ಸಮಾಜೊರ್ದು ಅಲಕ್ಕ ದೆತ್ತ್ದ್ ದಕ್ಕೊಡು’ ಪನ್ದ್ ಪನ್ದಿತ್ತೆರ್. ಈ ಪಾತೆರ ದೇಶೊಡೊರ್ಮೆ ಭಾರೀ ವಿವಾದ ಉಂಡುಮಲ್ತಿತ್ತ್ಂಡ್ ಅಂಚೆನೇ ಹಿಂದೂ ಧರ್ಮೀಯೆರೆನ ಆಕ್ರೋಶಗ್ ನೆವನ ಆದಿತ್ತ್ಂಡ್.
ಮಗೆ ಈತ್ ಮಲ್ಲ ಮಟ್ಟ್ಡ್ ಸನಾತನ ಧರ್ಮೊನು ವಿರೋಧ ಮಲ್ತ್ದಿತ್ತ್ಂಡಲಾ, ಅಪ್ಪೆ ದುರ್ಗಾ ಸ್ಟಾಲಿನ್ ಮಾತ್ರ ಆರೆನ ಧಾರ್ಮಿಕ ನಂಬೊಲಿಗೆನ್ ದುಂಬರಿತ್ದೆರ್. ಮಗನ ಎಡ್ಡೆಪುಗು ಅಂಚೆನೇ ಇಲ್ಲದ ಸುಖ-ಶಾಂತಿಗ್ ಬೋಡಾದ್ ಆರ್ ಹಿಂದೂ ಸಂಪ್ರದಾಯೊದ ಪ್ರಕಾರ ದೇಲಂತಡೆಲೆಡ್ ವಿಶೇಷ ಪೂಜೆಲೆನ್ ಮಲ್ಪುನ ಮುಕೇನ ಮಗನ ಪಾತೆರೊಗು ತದ್ವಿರುದ್ಧವಾದ್ ನಡತೊಂದೆರ್.
ಮಂಡ್ಯ ಜಿಲ್ಲೆ ಶ್ರೀರಂಗಪಟ್ಟಣೊದ ಗಂಜಾಂ ದ ಪುಗರ್ತೆದ ನಿಮಿಷಾಂಬಾ ದೇಲಂತಡೆಗ್ ಶಾಸಕೆ ಜಿ.ಟಿ. ದೇವೇಗೌಡ್ರೆನ ಮಗಲ್ ಬೊಕ್ಕ ಮರ್ಮಯನ ಒಟ್ಟುಗು ಬತ್ತಿನ ದುರ್ಗಾ ಸ್ಟಾಲಿನ್, ಸುಮಾರ್ 30 ನಿಮಿಷೊದಾತ್ ಪೊರ್ತು ವಿಶೇಷ ಪೂಜೆಡ್ ಪಾಲ್ಪಡೆತೆರ್. ದೇವಿಗ್ ರೇಷ್ಮೆ ಸೀರೆ, ಕುಪ್ಪಿದ ಕಾಜಿ ಬೊಕ್ಕ ಪೂಪರ್ನ್ದ್ ಅರ್ಪಣೆ ಮಲ್ತ್ದ್ ಸಾಂಪ್ರದಾಯಿಕ ‘ಮಟ್ಟೆಲ್ ದಿಂಜಾವುನ’ ಉಡಿಸೇವೆನ್ಲಾ ಮಲ್ತೆರ್. ಈ ಪೊರ್ತುಡು ಕಂಡನೆ ಎಂ.ಕೆ. ಸ್ಟಾಲಿನ್ ಬೊಕ್ಕ ಮಗೆ ಉದಯನಿಧಿ ಸ್ಟಾಲಿನ್ ನ ಪುದರ್ಡ್ ವಿಶೇಷ ಅರ್ಚನೆ ಮಲ್ಪಾಯೆರ್.
ಅವೆಕ್ ದುಂಡು ಮೈಸೂರ್ದ ಚಾಮುಂಡಿಬೆಟ್ಟ ಗ್ ಪೋದು ಚಾಮುಂಡೇಶ್ವರಿನ ದರ್ಶನ ಮಲ್ತಿನ ದುರ್ಗಾ ಸ್ಟಾಲಿನ್, ಇಲ್ಲದ ಎಡ್ಡೆಪುಗು ನಟ್ಟೊಂಡೆರ್.