Last updated on June 2nd, 2026 at 09:37 am
ಉಬಾರ್, ಜೂ. 02: ಉಬಾರ್ದ ಕೂಟೇಲ್ ಪನ್ಪಿನಲ್ಪ ಒಂಜಿ ಕಾರ್ಗ್ ಲಾರಿ ಎಡ್ತಿನ ನಡಕೆ ಸೋಮವಾರ ರಾತ್ರೆ ನಡತಿತ್ತ್ದ್, ಕಾರ್ಡ್ ಇತ್ತಿನ 5 ಜನಕ್ ಗಾತಿದ ಗಡಿಕುಲಾತಿನ ಬಗೆಟ್ ವರದಿ ಆತ್ಂಡ್.
ಕಾರ್ಲದ ನಕ್ರೆದ ಒಂಜಿ ಇಲ್ಲದಕ್ಲು ಕುಕ್ಕೆ ಸುಬ್ರಹ್ಮಣ್ಯಗ್ ವ್ಯಾಗನರ್ ಕಾರ್ಡ್ ಪೋದಿತ್ತ್ದ್, ಉಬಾರ್ದ ಕೂಟೇಲ್ ಕೈತಲ್ ಕಾರ್ ಪೋವೊಂದುಪ್ಪುನಗ ಗ್ಯಾಸ್ ಸಿಲಿಂಡರ್ ಕೊನೊವೊಂದಿತ್ತಿನ ಲಾರಿಯೊಂಜಿ ಕಾರ್ಗ್ ಎಡ್ತ್ದ್ಂಡ್. ಎಡ್ತಿನ ಪೆಟ್ಟ್ಗ್ ಕಾರ್ದ ಡ್ರೈವರ್ ದೀಪಕ್ (45), ಗುರುರಾಜ್ (46), ಧನುಷ್ (15) , ಭಾರತಿ ( 48), ಗೀತಾ (55) ಪನ್ಪಿನಕಲೆಗ್ ಗಾತಿದ ಗಡಿಕುಲಾದಿತ್ತ್ದ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್. ಲಾರಿ ಡ್ರೈವರ್ ದಾಮೋದರ್ ದಾಲಾ ಉಂಬರೊದಾಂತೆ ಬಚಾವಾತೆರ್.
ನಡಕೆ ನಡತಿನೇ ಗಡಿಕುಲಾತಿನಕಲೆನ್ ಞಕ್ಕೆ ಆತಿನ ಕಾರ್ರ್ದ್ ಪಿದಯಿ ಒಯ್ಪೆರ ಯು ಟಿ ಫಾಯಾಜ್, ವಿದ್ಯಾಧರ ಜೈನ್, ಝಕಾರಿಯಾ ಮೊಕುಲು ಮಾತಾ ಪುನೆದ್ ಆಸ್ಪತ್ರೆಗ್ ಲೆತೊಂದು ಪೋಯೆರ ಸಕಾಯ ಮಲ್ತೆರ್. ಪುತ್ತೂರು ಟ್ರಾಫಿಕ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.