Last updated on June 4th, 2026 at 10:52 am
ದೆಲ್ಲಿ, ಜೂ. 4: ಅಫ್ಘಾನಿಸ್ತಾನ ವಿರುದ್ಧೊದ ಬರ್ಪಿನ ಏಕದಿನ (ODI) ಕ್ರಿಕೆಟ್ ಸರಣಿಗ್ ದುಂಬೇ ಟೀಮ್ ಇಂಡಿಯಾಗ್ ಮಲ್ಲ ಆಘಾತ ಎದುರಾತ್ಂಡ್.
ಭಾರತ ಕೂಟೊದ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಗಾಯದ ಸಮಸ್ಯೆರ್ದಾವರ ಇಡೀ ಸರಣಿರ್ದ್ ಪಿದಯಿ ಒರಿಯೊಡಾದ್ ಬೈದ್ಂಡ್. ಜೂನ್ 13 ರ್ದ್ ಜೂನ್ 20 ಮುಟ್ಟ ಭಾರತ ಬೊಕ್ಕ ಅಫ್ಘಾನಿಸ್ತಾನೊದ ನಡುಟು ಮೂಜಿ ಗೊಬ್ಬುದ ಏಕದಿನ ಸರಣಿ ನಡಪರೆ ಇತ್ತ್ದ್, ಕೊಹ್ಲಿ ಇಜ್ಜಂದಿನವು ಭಾರತೊಗು ಒಂಜಿ ಮಂಡೆಬೆಚ್ಚ ಆತ್ಂಡ್.
ಆರ್ಸಿಬಿ ಫೈನಲ್ ಗೊಬ್ಬುಡು ಹ್ಯಾಮ್ಸ್ಟ್ರಿಂಗ್ ಗಾಯ!
ಇಂಚಿಪ ಆತೇ ಮುಗಿನ ಐಪಿಎಲ್ 2026ತ ಫೈನಲ್ ಗೊಬ್ಬುಡು ರಾಯಲ್ ಚಾಲೆಂಜರ್ಸ್ ಬೆಂಗಳೂರ್ (RCB) ಗುಜರಾತ್ ಟೈಟನ್ಸ್ನ್ 5 ವಿಕೆಟ್ಡ್ ಸೋಪಾದ್ ಬೆರಿಬೆರಿ ರಡ್ಡನೇ ಸರ್ತಿ ಐಪಿಎಲ್ ಟ್ರೋಫಿ ಗೆಂದ್ಂಡ್.
ಈ ಐತಿಹಾಸಿಕ ಗೆಲ್ಮೆಡ್ ಪ್ರಮುಖ ಪಾತ್ರ ಇತ್ತಿನ ವಿರಾಟ್ ಕೊಹ್ಲಿಗ್, ಗೊಬ್ಬುದ ನಡುಟು ಭೀಕರ ಹ್ಯಾಮ್ಸ್ಟ್ರಿಂಗ್ (ತುಡೆತ ಮಾಸ ಒಯ್ತಿಲೆಕ ಆಪುನ) ಗಾಯ ಆದಿತ್ತ್ಂಡ್. ಇತ್ತೆ ವೈದ್ಯಕೀಯ ಕೂಟೊದ ನಿಗಾಡ್ ಇಪ್ಪುನ ಕೊಹ್ಲಿಗ್ ಸಂಪೂರ್ಣ ವಿಶ್ರಾಂತಿ ಮಲ್ಪೆರ ಸೂಚನೆ ಕೊರ್ತೆರ್.