Last updated on June 10th, 2026 at 11:11 am
ಪುತ್ತೂರ್, ಜೂ. 10: ನಗರಸಭೆ ಸೀಮೆಡ್ ಸಿಂಗಾಣಿ ಪನ್ಪಿನಲ್ಪ ತೋಟೊದ ಕೆದುಕು ಬರ್ದು ಆಂಜೊವು ಒರಿ ತೀರ್ದಿನ ನಡಕೆ ಜೂ.9 ದಾನಿ ನಡತ್ದ್ಂಡ್.
ಸಿಂಗಾಣಿ ನಿವಾಸಿ ವಲೇರಿಯನ್ ಡಿ’ಸೋಜ(62ವ) ತೀರ್ದಿನಾರ್. ಆರ್ ಪನ್ತಿ ಕನಯೆರೆ ತೋಟೊಗು ಪೋತಿನಾರ್ ಪಿರ ಬರಂದಿನೆನ್ ತೂದು ಆರೆನ ಮಗೆ ನಾಡೊಂದು ಪೋನಗ ಕೆದುತ ಕೈತಲ್ ಜೋಡು, ಕತ್ತಿ ತೋಜಿದ್ ಬೈದ್ಂಡ್. ಸಂಶಯೊಡು ಆರ್ ಅಗ್ನಿಶಾಮಕ ದಳೊತಕಲೆನ ಸಕಾಯೊಡು ಕೆದುಟು ನಾಡ್ನಗ ವಲೇರಿಯನ್ ಮೆರೆನ ಪುನ ತಿಕ್ಕ್ದ್ಂಡ್. ಆರ್ ಆಕಸ್ಮಿಕವಾದ್ ತೋಟೊದ ಕೆದುಕು ಕಾರ್ ಜಾರ್ದ್ ಬೂರ್ದು ತೀರ್ದೆರ್ ಪನ್ದ್ ತೀರ್ದಿನಾರೆನ ಮಗೆ ವಿನಿಲ್ ಡಿ’ಸೋಜ ಮೇರ್ ಬರೆಪಾದಿನ ಒಯಿಲ್ದ ಪ್ರಕಾರ ಪುತ್ತೂರು ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.