Last updated on June 4th, 2026 at 03:18 pm
ಬಳ್ಳಾರಿ, ಜೂ. 4: ಮೋಕೆ ಮಲ್ತ್ದ್ ಮದಿಮೆ ಆದಿತ್ತಿನ ಬೊಡೆದಿನೇ ಭೀಕರವಾದ್ ಕಂಡನೆ ಕೆರ್ತಿನ ನಡಕೆ ಬಳ್ಳಾರಿದ ಕೌಲ್ ಬಜಾರ್ಡ್ ನಡತ್ದ್ಂಡ್.
ಆಫ್ರೀನ್ ಬಾನು ತೀರ್ದಿನ ಪೊಂಜೊವು, ನೂರ್ ಅಹ್ಮದ್ ಆರೋಪಿ. ರಡ್ಡ್ ವರ್ಸೊಗು ದುಂಬು ದಂಪತಿ ಮೋಕೆ ಮಲ್ತ್ದ್ ಮದಿಮೆ ಆದಿತ್ತೆರ್. ದಂಪತಿಗ್ 8 ತಿಂಗೊಲ್ದ ಆಣ್ ಬಾಲೆಲಾ ಉಂಡು.
ಕೌಟುಂಬಿಕ ಕೊಲಲೊರ್ದಾವರ ಆಫ್ರೀನ್ ಅಪ್ಪೆ ಇಲ್ಲಗ್ ಪೋದುಇತ್ತಲ್.
ಪುಟ್ಟಿನ ದಿನ ಕರಿಪುನ ನೆವನೊಡು ಬೊಡೆದಿನ ಇಲ್ಲಗ್ ಕಂಡನೆ ಬತ್ತಿತ್ತೆ. ಕೇಕ್ ಕಟ್ ಮಲ್ತ್ದ್ ಗಮ್ಮತ್ ಮಲ್ತಿ ಬೊಕ್ಕ ಪಿದಯಿ ಲೆತೊಂದು ಪೋದು ಕೆರ್ತೆ. ಪಾರ್ಟಿದ ನೆವನೊಡು ಲೆತೊಂದು ಪೋದು ತರೆಕ್ ಕಲ್ಲ್ ತುಂಬುದು ಪಾಡ್ದ್ ಕಂಡನೆ ನೂರ್ ಭೀಕರವಾದ್ ಕೆರ್ತೆ. ಏರ್ಲಾ ಇಜ್ಜಂದಿನಲ್ಪ ಪುನ ದಕ್ಕ್ದ್ ಕಂಡನೆ ಪದ್ರಾಡಾತೆ.
ಬೊಕ್ಕ ದಾಲ ಆವಂದಿನಕ್ಲೆಲೆಕ ಕಂಡನೆ ಬೊಡೆದಿನ್ ನಾಡುನ ನಾಟಕ ಮಲ್ತ್ದೆ. ಬೊಡೆದಿ ನಾಪತ್ತೆ ಆತಿನ ಬಗೆಟ್ ಇಲ್ಲದಕಲೆಡ ಕಲುಕತೆ ಕಟ್ಟ್ದೆ. ಇಲ್ಲದಕ್ಲು ಅನುಮಾನೊಡು ಪೊಲೀಸೆರೆಡ ಒಯಿಲ್ ಬರೆಪಾದೆರ್. ವಿಚಾರಣೆದ ಪೊರ್ತುಡು ಕೆರ್ತಿನೆನ್ ಆರೋಪಿ ನೂರ್ ಅಹ್ಮದ್ ಒತ್ತೊಂದೆ. ಕೆರ್ದ್ 13 ದಿನ ಕರಿದ್ ಅಫ್ರೀನ್ನ ಪುನ ಕುರಿನ ಸ್ಥಿತಿಟ್ ತಿಕ್ಕ್ದ್ಂಡ್.
ಕೌಲ್ ಬಜಾರ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ಆರೋಪಿ ನೂರ್ ಅಹ್ಮದ್ನ್ ಕೈದ್ ಮಲ್ತ್ದೆರ್.