Last updated on June 5th, 2026 at 12:27 pm
ದೇವನಹಳ್ಳಿ, ಜೂನ್ 5: ಸಚಿವ ಸ್ಥಾನೊಗು ರಾಮಲಿಂಗಾ ರೆಡ್ಡಿ ರಾಜೀನಾಮೆ ಕೊರ್ನ ಬೆರಿಟೇ ಆಡಳಿತಾರೂಢ ಕಾಂಗ್ರೆಸ್ ಸರ್ಕಾರೊಗು ಕುಡೊಂಜಿ ಶಾಕ್ ಎದುರಾತ್ಂಡ್. ಆರೆಗ್ ತಿಕ್ಕ್ದಿನ ಆಹಾರ ಬೊಕ್ಕ ನಾಗರಿಕ ಸರಬರಾಜು ಇಲಾಖೆದ ಬಗೆಟ್ ಬಾರೀ ಅಸಮಾಧಾನ ಇಪ್ಪುನ ಪೆರಿಯ ನಾಯಕೆ ಕೆಎಚ್ ಮುನಿಯಪ್ಪೆರ್, ‘ಯಾನ್ ಆಹಾರ ಇಲಾಖೆದ ಸಚಿವೆ ಆದ್ ಅಧಿಕಾರ ಗೆತೊನುಜಿ (ಚಾರ್ಜ್ ಗೆತೊನುಜಿ)’ ಪನ್ದ್ ಘೋಷಣೆ ಮಲ್ತ್ದೆರ್.
ಬೆಂಗಳೂರ್ ಗ್ರಾಮಾಂತರ ಜಿಲ್ಲೆದ ದೇವನಹಳ್ಳಿಡ್ ಪಾತೆರ್ನ ಆರ್, ‘ಯಾನ್ ಯುಪಿಎ ಕೇಂದ್ರ ಸರ್ಕಾರೊಡ್ಲಾ ಸಚಿವೆ ಆದ್ ಬೇಲೆ ಮಲ್ತಿನ ಅನುಭವ ಇತ್ತಿನಾಯೆ. ಯಾನ್ ಏರೆನ ಬಗೆಟ್ಲಾ ಪಾತೆರುಜಿ. ಆಂಡ ಖಾತೆ ಪಟ್ಟುನೆಟ್ ಆತಿನ ಲೋಪೊನು ಹೈಕಮಾಂಡ್ ನಾಯಕೆರೇ ಸಮ ಮಲ್ಪುನ ಬೇಲೆ ಮಲ್ಪೊಡು’ ಪನ್ದ್ ಖಡಕ್ ಸಂದೇಶ ಕೊರ್ತೆರ್. ರಾಮಲಿಂಗಾ ರೆಡ್ಡಿನ ಬೆರಿಟೇ ಮುನಿಯಪ್ಪೆರೆನ ಈ ನಿರ್ಧಾರ ಡಿಕೆಶಿ ಸಂಪುಟೊನು ಬಾರೀ ಬಂಙೊಗು ನೂಕುದುಂಡು.