Last updated on June 5th, 2026 at 01:53 pm
ಕುಡ್ಲ, ಜೂ. 05: ಪೊಸ ಕಟ್ವಾನ ಒಂಜೆತ ನಾಲನೇ ಮಾಲಿಗೆಡ್ ವೆಲ್ಡಿಂಗ್ ಬೇಲೆ ಮಲ್ತೊಂದಿತ್ತಿನ ರಾಷ್ಟ್ರ ಮಟ್ಟೊದ ಪವರ್ ಲಿಫ್ಟರ್ ಒರಿ ಬೂರ್ದು ತೀರ್ದಿನ ನಡಕೆ ಕುಡ್ಲ ಪದವುದಂಗಡಿ ಕೈತಲ್ ನಡತ್ದ್ಂಡ್. ತೀರ್ದಿನಾರೆನ್ ಸಂತೋಷ್ ಪೂಜಾರಿ (45) ಪನ್ದ್ ಗುರ್ತ ಪತ್ತ್ದೆರ್.
ಉಳ್ಳಾಲ ಧರ್ಮನಗರ ನಿವಾಸಿ ಆದಿತ್ತಿನ ಸಂತೋಷ್ ಪೂಜಾರಿ ತೊಕ್ಕೊಟ್ಟು ಶಕ್ತಿ ಭಾರತ್ ವ್ಯಾಯಾಮ ಶಾಲೆದ ಪದುಕೆರ್ಲಾ ಆದಿತ್ತೆರ್. ಪದವುದಂಗಡಿದ ಕಟ್ವಾನ ಒಂಜೆಟ್ ವೆಲ್ಡಿಂಗ್ ಬೇಲೆ ಮಲ್ತೊಂದುಪ್ಪುನಗ ಸಂತೋಷ್ ಆಯ ತತ್ತ್ದ್ ನಾಲನೇ ಮಾಲಿಗೆರ್ದ್ ತಿರ್ತ್ ಬೂರ್ದೆರ್ಗೆ. ಉಂದೆರ್ದಾವರ ಸಂತೋಷ್ರೆನ ತರೆಕ್ ಸಮ ಪೆಟ್ಟ್ ಬೂರ್ದಿತ್ತ್ದ್ ಬೊಕ್ಕ ಮರ್ದ್ ಪಲಿಪಂದೆ ಆಸ್ಪತ್ರೆಡ್ ತೀರ್ದೆರ್.
ಸಂತೋಷ್ ದುಂಬು ಪಿದಯಿ ದೇಶೊಡು ವೆಲ್ಡಿಂಗ್ ಬೇಲೆ ಮಲ್ತೊಂದಿತ್ತೆರ್. ಊರ್ಗ್ ಬತ್ತಿಬೊಕ್ಕ ಉಳ್ಳಾಲ ಬೈಲಡ್ ಸ್ವಂತ ವೆಲ್ಡಿಂಗ್ ಶಾಪ್ ಪಾಡ್ದಿತ್ತೆರ್. ಸಂತೋಷ್ಗ್ ಮದಿಮೆ ಆದಿತ್ತ್ದ್, ಬೊಡೆದಿ ಪಿದಯಿ ದೇಶೊಡು ಬೇಲೆಡ್ ಉಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್.