ಸಚಿವ ಸ್ಥಾನೊಗು ರಾಜೀನಾಮೆ ಕೊರ್ನ ರಾಮಲಿಂಗಾ ರೆಡ್ಡಿ..!!

Last updated on June 5th, 2026 at 09:39 am

ಆತ್ಮಸಾಕ್ಷಿಗ್ ವಿರುದ್ಧವಾದ್ ಬೇಲೆ ಮಲ್ಪೆರೆ ಎನರ್ದ್ ಆಪುಜಿ. ಎಂಕ್ ಬೆಂಗಳೂರು ನಗರಾಭಿವೃದ್ಧಿ ಖಾತೆ ಕೊರ್ಪೆ ಪನ್ದ್ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಪಾತೆರ ಕೊರ್ದಿತ್ತೆರ್. ಖಾತೆದ ವಿಚಾರೊಡು ಅತ್ತ್, ಎಂಕ್ ಬಾರೀ ಬೇಜಾರ್ ಆತ್ಂಡ್. ಏತ್ ಪನ್ದ್ ಸೈರಣೆ ಮಲ್ಪೊಲಿ. ಅಂಚಾದ್ ಯಾನ್ ಸಚಿವ ಸ್ಥಾನೊಗು ರಾಜೀನಾಮೆ ಕೊರೊಂದುಲ್ಲೆ ಪನ್ದ್ ರಾಮಲಿಂಗಾ ರೆಡ್ಡಿ ಸುದ್ದಿಗೋಷ್ಠಿಡ್ ಪನ್ಡೆರ್.

ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಸಂಪುಟೊಡು ಖಾತೆ ಪಟ್ಟಿನ ಮನದಾನಿಯೇ ಸುರುತ ವಿಕೆಟ್ ಬೂರ್ದ್ಂಡ್. ಯಾನ್ ಖಾತೆಗ್ ಬೋಡಾದ್ ರಾಜೀನಾಮೆ ಕೊರೊಂದಿಜ್ಜಿ ಪನ್ದ್ ರಾಮಲಿಂಗಾ ರೆಡ್ಡಿ ಸ್ಪಷ್ಟ ಮಲ್ತ್‌ದೆರ್. ದಾಯೆ ರಾಜೀನಾಮೆ ಕೊರೊಂದುಲ್ಲೆ ಪನ್ದ್ ಮಾಧ್ಯಮೊದ ಎದುರು ಬತ್ತ್‌ದ್ ಪನೊಂದುಲ್ಲೆ ಪನ್ದ್ ಪನ್ಡೆರ್. ಯಾನ್ ಏರೆಡಲಾ ಪಾತೆರ್ದಿಜಿ. ಎನ್ನ ಇಲ್ಲಡ್ಲಾ ಏರೆಗ್ಲಾ ಪಿನ್ಪಿಜ್ಜಿ. ಈ ವಿಚಾರೊಡು ಚರ್ಚೆದ ಅವಶ್ಯಕತೆ ಇಜ್ಜಿ ಪನ್ದ್ ರಾಮಲಿಂಗಾ ರೆಡ್ಡಿ ಪನ್ತೆರ್.