Last updated on June 5th, 2026 at 11:26 am
ಬೆದ್ರ, ಜೂ. 05: ಮಾಡ್ದ ಶೀಟ್ಲೆನ್ ಪಾಡ್ನಗ ಕಟ್ವಾನೊದ ನಾಲನೇ ಮಾಲಿಗೆರ್ದ್ ಬೂರ್ದ್ ಜವನೆ ಒರಿ ತೀರ್ದಿನ ನಡಕೆ ಗುರುವಾರ ಕಡೆಪಲ್ಲ ಡ್ ನಡತ್ದ್ಂಡ್.
ತೀರ್ದಾನಾರೆನ್ ಮಾರ್ಪಾಡಿ ಗ್ರಾಮೊದ ಪಾದೆಮನೆ ನಿವಾಸಿ ಸಂತೋಷ್ ಆಚಾರ್ಯೆರೆನ ಮಗೆ ಶೌರ್ಯ ಆಚಾರ್ಯೆ ಪನ್ದ್ ಗುರ್ತ ಪತ್ತ್ದೆರ್. ಶೌರ್ಯೆ ಸೆಕೆಂಡ್ ಪಿಯುಸಿ ವಿದ್ಯಾರ್ಥಿ ಆದಿತ್ತ್ದ್, ಕಾಲೇಜ್ಗ್ ರಜೆ ಇಪ್ಪುನಗ ಕೂಲಿ ಬೇಲೆಗ್ ಪೋವೊಂದಿತ್ತೆ.
ಕಡೆಪಲ್ಲದ ಗಾಂಧಿನಗರೊಡು ಇಪ್ಪುನ ‘ರಾಯಲ್ ಪ್ಯಾರಡೈಸ್’ ಕಟ್ವಾನೊಡು ಈ ನಡಕೆ ನಡತ್ದ್ಂಡ್. ಶೌರ್ಯೇ ನಾಲನೇ ಮಾಲಿಗೆಡ್ ಶೀಟ್ ಪಾಡುನ ಬೇಲೆ ಮಲ್ತೊಂದುಪ್ಪುನಗ ಆಯ ತತ್ತ್ದ್ ಬೂರ್ದ್ ತೀರ್ದೆ ಪನ್ದ್ ವರದಿ ಆತ್ಂಡ್. ಆರೆನ್ ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಮರ್ದ್ ಪಲಿಪಂದೆ ಆರ್ ತೀರ್ದೆರ್.
ಕಟ್ವಾನೊದ ಕಾಂಟ್ರ್ಯಾಕ್ಟರ್ ಪ್ರವೀಣ್ ಬೊಕ್ಕ ದನಿ ನಾರ್ಟ್ ಶಾಬಾ ರೇಗೋ ಕಾರ್ಮಿಕೆರೆಗ್ ಬೋಡಾಪಿನ ಸುರಕ್ಷತಾ ಪನೆಕುಲೆನ್ ಕೊರಂದೆ ಗೋಸ್ಮರಿ ಮಲ್ದಿನೆರ್ದಾವರ ಈ ದುರಂತ ನಡತ್ದ್ಂಡ್ ಪನ್ದ್ ಆರೋಪ ಮಲ್ತ್ದೆರ್. ಈ ಬಗೆಟ್ ಬೆದ್ರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಜಡ್ತೆ ನಡತೊಂದುಂಡು.