Last updated on July 10th, 2026 at 12:48 pm
ಪುತ್ತೂರ್, ಜು. 10: ಪುರ್ಸೆರೆಕಟ್ಟೆಡ್ ಜು.8 ದಾನಿ ನಡತಿನ ಒಂಜಿ ನಡಪುಗು ಸಂಬಂಧಿತ್ದ್ ಕೋಮು ಭಾವನೆಲೆನ್ ಪ್ರಚೋದನೆ ಮಲ್ಪುನ ಅಂಚೆನೇ ಕೋಮು ಸೌಹಾರ್ದತೆಗ್ ತೆಟ್ಟ್ ಮಲ್ಪಿ ಸೊಲ್ಲಂಜ ಪ್ರಸಾರ ಮಲ್ತಿನ ಆರೋಪಡ್ 7 ವೆಬ್ನ್ಯೂಸ್ ಮಾಧ್ಯಮೊಲೆನ ಮಿತ್ತ್ ಪುತ್ತೂರ್ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ನಡತಿನ ಸತ್ಯೊನು ಪ್ರಸಾರ ಮಲ್ಪಂದೆ ಹಿಂದೂ-ಮುಸ್ಲಿಂ ಪನ್ದ್ ತೋಜಾದ್ ಸಾಮಾಜಿಕ ಬಲೆತ್ತಾನೊಡು ಕೋಮು ಸೌಹಾರ್ದತೆನ್ ಕಲೆಂಕಾವುನ ಲೆಕಂದಿನ ಕಲು ಒಲವು ಪ್ರಸಾರ ಮಲ್ತ್ದ್ ಸಮಾಜದ ಸಾದಿ ತಪ್ಪಾವೊಂದುಲ್ಲೆರ್ ಪನ್ದ್ ಆರೋಪ ಮಲ್ತ್ದ್ ಬರೆಪಾದಿನ ಒಯಿಲ್ದ ಆಧಾರೊಡು ಪ್ರಕರಣ ದಾಕಲ್ತೊಂದೆರ್. ಜಿಲ್ಲಾ ಪೊಲೀಸ್ ಘಟಕೊದ ಸೀಮೆಡ್ ಕೋಮು ಸೌಹಾರ್ದತೆನ್ ಕಲೆಂಕಾವುನ ಅಂಚೆನೇ ಕೋಮು ಪ್ರಚೋದನಾತ್ಮಕ ಸೊಲ್ಲಂಜ ಪ್ರಸಾರ ಮಲ್ಪುನಕಲೆನ ಮಿತ್ತ್ ಕಾನೂನ್ದ ಅಡಿಟ್ ಬೋಡಾಪಿನ ಕ್ರಮ ಗೆತೊನುವ ಪನ್ದ್ ದ.ಕ.ಜಿಲ್ಲಾ ಪೊಲೀಸ್ ಅಧೀಕ್ಷಕೆ ಡಾ.ಅರುಣ್ ಕೆ. ಮೇರ್ ತೆರಿಪಾದೆರ್.
ಭಾರತೀಯ ದಂಡ ಸಂಹಿತೆ, 2023 ದ ಸೆಕ್ಷನ್ 353(2) ದ ಅಡಿಟ್ ಈ ಮಾಧ್ಯಮೊಲೆನ ಮಿತ್ತ್ ಪ್ರಕರಣ ದಾಕಲಾತ್ಂಡ್:
Puttur Chavadi (Instagram page)
ಹೊಸ ದಿಗಂತ
Zoomintv.online
Newsfocuskannada.com
ಉದಯವಾಣಿ ಪ್ರಖರನ್ಯೂಸ್(Prakharanews.com)
Karnataka Portfolio (@karnatakaportf Twitter/X page)
ಎಫ್ಐಆರ್ಡ್ ಪೊಣ್ಣನ, ಪೊಣ್ಣನ ಅಮ್ಮೆರೆನ ಪುದರ್:
ಪುರ್ಸೆರೆಕಟ್ಟೆಡ್ ಜು.8 ದಾನಿ ನಡತಿನ ನಡಪುಗು ಸಂಬಂಧಿತ್ದ್ ಜವನ್ದಿ ಬೊಕ್ಕ ಆಲೆನ ಅಮ್ಮೆರೆನ ಮಿತ್ತ್ಲಾ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.
ಮುರಳಿಕೃಷ್ಣೆರ್ ಬೊಕ್ಕ ಬೇತೆಕಲೆನ ಪಾತೆರ ಕೇನ್ದ್ ಜವನ್ದಿ ಬೊಕ್ಕ ಆಲೆನ ಅಮ್ಮೆರ್ ಕಲು ಒಯಿಲ್ ಬರೆಪಾದೆರ್ ಪನ್ದ್ ಒಯಿಲ್ ದಾಕಲಾತಿನೆರ್ದಾವರ ಎಫ್ಐಆರ್ಡ್ ಪೊಣ್ಣನ ಬೊಕ್ಕ ಆಲೆನ ಅಮ್ಮೆರೆನ ಪುದರ್ನ್ಲಾ ಪಾಡೊಂದ ಪನ್ದ್ ಎಸ್ಪಿ ಡಾ.ಅರುಣ್ ಪನ್ಡೆರ್.