Last updated on July 15th, 2026 at 09:24 am
ಕುಡ್ಲ, ಜು. 15: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ಉಂತಡೆಗ್ ಏರ್ಪೋರ್ಟ್ ಕೌನ್ಸಿಲ್ ಇಂಟರ್ನ್ಯಾಷನಲ್ (ಎಸಿಐ) ಸಂಸ್ಥೆದ ‘ಏರ್ಪೋರ್ಟ್ ಕಸ್ಟಮರ್ಎಕ್ಸ್ಪೀರಿಯನ್ಸ್ ಅಕ್ರೆಡಿಟೇಶನ್’ ಕಾರ್ಯಕ್ರಮೊದ ಅಡಿಟ್ ಅತ್ಯುನ್ನತ ‘ಲೆವೆಲ್ 5’ ಮಾನ್ಯತೆ ತಿಕ್ಕ್ದ್ಂಡ್.
ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ಉಂತಡೆ ಅದಾನಿ ಏರ್ಪೋರ್ಟ್ ಹೋಲ್ಡಿಂಗ್ಸ್ లి. ನೆಟ್ವರ್ಕ್ಡ್ ಮುಂಬಯಿ ಬೊಕ್ಕ ಅಹಮದಾಬಾದ್ ರ್ದ್ ಬೊಕ್ಕ ಈ ಮಾನಾದಿಗೆ ತಿಕ್ಕಿನ ಮೂಜನೇ ವಿಮಾನ ಉಂತಡೆ ಆದುಂಡು. ಬೆಂಗಳೂರ್ದ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ಉಂತಡೆರ್ದ್ ಬೊಕ್ಕ ಕರ್ನಾಟಕೊಡು ಈ ಮೈಲಿಕಲ್ಲ್ ಎತ್ತಿನ ರಡ್ಡನೇ ವಿಮಾನ ಉಂತಡೆ ಪನ್ಪಿ ಪೆರ್ಮೆ ಕುಡ್ಲಗ್. ದೇಶೊಡು ಇದಮುಟ್ಟ ಕಾಲಿ ನಾಲ್ ವಿಮಾನ ಉಂತಡೆಲೆಗ್ ಮಾತ್ರ ಈ ಜಾಗತಿಕ ಮಾನ್ಯತೆ ತಿಕ್ಕ್ದ್ಂಡ್.
ಮಂಗಳೂರು ವಿಮಾನ ಉಂತಡೆಗ್ 2025ತ ಜುಲೈಡ್ ‘ಲೆವೆಲ್ 4’, 2024ತ ಫೆಬ್ರವರಿಡ್ ‘ಲೆವೆಲ್ 3’ ಮಾನ್ಯತೆ ತಿಕ್ಕ್ದಿತ್ತ್ಂಡ್. ‘ಲೆವೆಲ್ 5’ ಮಾನ್ಯತೆ ವಿಮಾನ ಉಂತಡೆದ ಇಡೀ ವ್ಯವಸ್ಥೆಡೊರ್ಮೆ ಗ್ರಾಹಕ ಸೇವೆಲೆನ್ ಯಶಸ್ವಿಯಾದ್ ಪಾಡ್ಪಾವೊಂದಿಂನೆರ್ದಾವರ ತಿಕ್ಕುಂಡು. ಎಸಿಐ ಲೆವೆಲ್ 5 ಮಾನಾದಿಗೆ ಮಂಗಳೂರು ವಿಮಾನ ಉಂತಡೆದ ರೂಪಾಂತರ ಬೊಕ್ಕ ಉತ್ಕೃಷ್ಟತೆದ ಪ್ರಯಾಣೊಡು ಒಂಜಿ ಮಹತ್ವೊದ ಮೈಲಿಕಲ್ಲ್ ಪನ್ದ್ ವಿಮಾನ ಉಂತಡೆದ ವಕ್ತಾರೆರ್ ತೆರಿಪಾದೆರ್.