Last updated on July 16th, 2026 at 12:06 pm
ಉಬಾರ್, ಜು. 16: ಬೋಲ್ತೇರ್ ತಾಲ್ಲೂಕ್ದ ಕಣಿಯೂರ್ ಗ್ರಾಮೊದ ಪದ್ಮುಂಜ ಕೈತಲ್ ಅಡೆಂಜ ಪನ್ಪಿನಲ್ಪ ಕಲ್ವನೋಟು ಮಲ್ತೊಂದುಲ್ಲೆರ್ ಪನ್ಪಿ ಪತ್ತ ಒಲವು ಇತ್ತ್ದ್ ಉಬಾರ್ ಪೊಲೀಸೆರ್ ಕೋಡೆ ರಾತ್ರೆ ದಾಳಿ ಮಲ್ತ್ದೆರ್ ಪನ್ದ್ ವರದಿ ಆತ್ಂಡ್.
ಮೆಷಿನ್ಡ್ ಪ್ರಿಂಟ್ ಮಲ್ತೊಂದಿತ್ತೆರ್?
ಮುಲ್ಪದ ಮೂಲೊಲೆನ ಪ್ರಕಾರ, ಆರೋಪಿಲು ಅತ್ಯಾಧುನಿಕ ಯಂತ್ರೊಲೆನ್ ಗಲಸೊಂದು ಕಲ್ವ ನೋಟು ಲೆನ್ ಮಲ್ತೊಂದಿತ್ತೆರ್ಗೆ. ಈ ದಂಧೆದ ಬಗೆಟ್ ಒಲವು ತಿಕ್ಕಿನೇ ಕಾರ್ಯಪ್ರವೃತ್ತೆರಾಯಿನ ಪೊಲೀಸೆರ್, ರಾತ್ರೆನೇ ಅಡ್ಡೆದ ಮಿತ್ತ್ ದಾಳಿ ಮಲ್ತ್ದ್ ಪರಿಶೀಲನೆ ಮಲ್ತ್ದೆರ್ಗೆ.
ಅಧಿಕೃತ ಒಲವುಗು ಕಾತೊಂದುಲ್ಲ:
ಇತ್ತೆಗ್ ಪೊಲೀಸೆರ್ ದಾಳಿ ಮಲ್ದಿನ ಬಗೆಟ್ ಪ್ರಾಥಮಿಕ ಒಲವು ತಿಕ್ಕ್ದಿತ್ತ್ಂಡಲಾ, ನಡಪುಡು ಏರೆನ್ಲಾ ಉಲಕೈ ಮಲ್ತೊಂದೆರಾ ಅತ್ತ್ ಕಲ್ವನೋಟುಲೆನ್ ಜಪ್ತಿ ಮಲ್ತೊಂದೆರಾ ಪನ್ಪಿ ಬಗೆಟ್ ಪೊಲೀಸ್ ಇಲಾಖೆರ್ದ್ ಒವ್ವೇ ಅಧಿಕೃತ ಪ್ರಕಟಣೆ ಬೈದಿಜಿ.
ಏಲ್ ಜನೊನು ಉಲಕೈ ಮಲ್ತ್ದೆರ್, ಒಂಜಿ ಮೆಯಿ ಅಚ್ಚಿ ಆತಿನ ಕಲ್ವನೋಟು ತಿಕ್ಕ್ದ್ಂಡ್ ಪನ್ಪಿ ಒಲವುನು ಪುತ್ತೂರು ಸುದ್ದಿ ನ್ಯೂಸ್ ಪ್ರಕಟ ಮಲ್ತ್ದ್ಂಡ್.